सोलापूर : स्वातंत्र्याच्या अमृत महोत्सवी वर्षाचे औचित्य साधून राबविण्यात येणाऱ्या हर घर तिरंगा अभियानासाठी सोलापूर जिल्ह्यात उपलब्ध सहा लाख १० हजार तिरंगा ध्वज उपलब्ध झाले. परंतु त्यातील सदोष ध्वज वेळीच दुरूस्त करून वितरण करण्याची जबाबदारी महिला बचत गटांनी यशस्वीपणे पार पाडली आहे. यात सुमारे सात हजार बचत गटांना तिरंगा ध्वजाच्या रूपाने रोजगाराचा आधार मिळाला आहे.

या बातमीसह सर्व प्रीमियम कंटेंट वाचण्यासाठी साइन-इन करा

हर घर तिरंगा अभियानाचे नियोजन जिल्हा प्रशासनासह जिल्हा परिषद व महापालिका प्रशासनाने केले असता त्यात सुमारे सहा लाख ५० हजार तिरंगा ध्वजांची मागणी होती. त्यापैकी सहा लाख ३५ हजार तिरंगा ध्वज प्रत्यक्ष उपलब्ध झाले. तथापि, त्यापैकी सुमारे ७५ हजारांएवढे तिरंगा ध्वज सदोष आढळून आले असता त्यातील दुरूस्ती करण्यायोग्य बहुतांशी  ध्वज महिला बचत गटांनी दुरूस्त केले आहेत. दुरूस्तीच्या कामाबरोबरच ध्वज वितरणाची जबाबदारीही महिला बचत गटांनी उचलली आहे. जिल्हाधिकारी मिलिंद शंभरकर व जिल्हा परिषदेचे मुख्य कार्यकारी अधिकारी दिलीप स्वामी यांनी दाखविलेली संवेदनशीलता आणि प्रेरणेमुळे महिला बचत गटांना प्राधान्यक्रमाने ही जबाबदारी यशस्वीपणे पार पाडता येणे शक्य झाले आहे. महाराष्ट्र राज्य ग्रामीण जीवनोन्नती अभियानाच्या (उमेद) जिल्हा व्यवस्थापिका मीनाक्षी मडवळी यांची ही माहिती दिली.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: The indian flag provided employment support to women self help groups amy
First published on: 12-08-2022 at 19:22 IST