एल्गार परिषद प्रकरणाची सुनावणी करत असलेल्या विशेष न्यायालायने आज (मंगळवार) या प्रकरणाती आरोपी आणि राष्ट्रीय तपास यंत्रणेस पुढील सुनावणीसाठी हजर होण्याच्या सूचना केल्या आहेत. आता याप्रकरणी २७ एप्रिल रोजी सुनावणी होण्याची शक्यता असून, यावेळी आरोप निश्चिती होईल. या प्रकरणात पुणे पोलिसांनी २०१८ मध्ये नऊ आरोपींना, तर २०२० मध्ये एनआयएने इतर सात आरोपींना अटक केली होती. गेल्या वर्षी ऑगस्टमध्ये एनआयए कडून करण्यात आलेल्या आरोपांच्या आधारावर आरोप निश्चित केले जातील. विशेष न्यायाधीश दिनेश ई कोठालीकर यांनी आरोपींचे वकील आणि एनआयएचे विशेष सरकारी वकील यांना सांगितले की, दोन्ही पक्षांनी सहकार्य केल्यास पुढील सुनावणीत आरोप निश्चित करून खटला पुढे चालू शकतो.