भीषण अपघातात तिघे ठार, सहा जखमी

नाशिक-पुणे राज्यमार्गावर संगमनेर तालुक्यात क-हे घाटाच्या पायथ्याशी दोन मालमोटारींमध्ये समोरासमोर झालेल्या भीषण अपघातात तिघे ठार व सहा जण जखमी झाले.

नाशिक-पुणे राज्यमार्गावर संगमनेर तालुक्यात क-हे घाटाच्या पायथ्याशी दोन मालमोटारींमध्ये समोरासमोर झालेल्या भीषण अपघातात तिघे ठार व सहा जण जखमी झाले. जखमीपैकी तिघांची प्रकृती चिंताजनक आहे. बुधवारी सकाळी सातच्या सुमारास हा अपघात झाला.
मृतांपैकी एकाचीच ओळख पटली असून त्याचे नाव रणजितकुमार नवलभाई दोडी (राहणार गुजरात) असे आहे. या अपघातात महेश पटेल (वय ३२), राजेश पटेल (३५, दोघेही वापी, गुजरात), सोमनाथ थोरात (१७, बीड), विष्णू शिवाजी हतगले (४०, चाकण, पुणे), नथुराम बिष्णोई (२८) व सुभाष बिष्णोई (२८, दोघेही राजस्थान) असे सहा जण जखमी झाले आहेत. त्यांच्यावर संगमनेर येथील खासगी रुग्णालयात उपचार सुरू आहेत.
या दोन्ही मालमोटारींची समोरासमोर जोरदार धडक झाली. या धडकेनेच ही वाहने दूर अंतरावर जाऊन उलटी झाली. संगमनेर येथील राजहंस प्रकल्पातील वाहनाच्या चालकाने हा अपघात पाहिला. त्याच्यासह अन्य स्थानिक नागरिकांनी तातडीने मदतकार्य सुरू केले. मात्र यातील मृतांना बाहेर काढण्यासाठी क्रेनचा वापर करावा लागला. याबाबत संगमनेर पोलीस ठाण्यात गुन्हा दाखल करण्यात आला आहे. 

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Three killed six injured in severe accident

ताज्या बातम्या