कारमध्ये गुदरमरुन दोन मुलांचा मृत्यू, एका मुलीची प्रकृती गंभीर

तीन मुलांचं सोमवारपासून अपहरण झालं होतं त्यांचा शोध पोलिसांकडून घेतला जात होता

कारमध्ये गुदमरुन दोन बालकांचा मृत्यू झाल्याची घटना बुलढाण्यात घडली आहे. पाच वर्षीय मुलीची प्रकृती गंभीर आहे या मुलीला उपचारासाठी जिल्हा रुग्णालयात दाखल करण्यात आलं आहे. ही तिन्ही मुलं एकाच कुटुंबातील आहेत त्यामुळे हा घातपाताचा प्रकार नाही ना? असा संशय व्यक्त होतो आहे.

सोमवारी दुपारच्या सुमारास एकाच कुटुंबातली तीन मुलं बेपत्ता झाली. या मुलांची शोधाशोध सुरु होती. मात्र मुलं न सापडल्याने पोलिसात तक्रार देण्यात आली. एकाच घरातली मुलं असल्याने पोलिसांनी अपहरणाची शक्यता वाटली. पोलिसांनी तपास सुरु केल्यानंतर त्यांना एका कारच्या काचेवर मुलीचा हात दिसला. ही कार तपासली असता त्यात तिन्ही मुलं पोलिसांना सापडली. तिघांनाही तातडीने रुग्णालयात नेण्यात आलं. मात्र उपचारापूर्वीच दोन मुलांचा मृत्यू झाला. मुलीची प्रकृती गंभीर असून तिच्यावर उपचार सुरु आहेत.

अंगणवाडीतल्या या तीन मुलांचे अपहरण करण्यात आल्याची घटना १५ जुलैला दुपारी १ वाजण्याच्या सुमारास घडली. पोलिसांनी या प्रकरणी गुन्हा दाखल करुन सीसीटीव्हीचीही तपासणी केली. मात्र या मुलांचा शोध लागला नव्हता. १६ जुलै म्हणजेच आज गुरुपौर्णिमा आणि ग्रहण असल्याने या तीन मुलांचे अपहरण नरबळीसाठी तर झाले नाही ना? अशीही चर्चा सुरु झाली होती. दरम्यान या तीनपैकी दोन मुलांचा मृत्यू झाला आहे तर एक मुलगी बचावली आहे. तिची प्रकृती गंभीर आहे.

 

 

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Two children death due to suffocation one girl admitted in hospital scj

ताज्या बातम्या