सांगली जिल्हा बँकेची मदत

करोना विरूध्द एक युध्दच पुकारण्यात आले असून या युध्दासाठी एक कर्तव्य म्हणून जिल्हा बँकेने योगदान देण्याचे ठरविले

सांगली जिल्हा मध्यवर्ती बँकेच्यावतीने मुख्यमंत्री सहायता निधीसाठी सव्वा दोन कोटींचा मदत निधीचा धनादेश पालकमंत्री जयंतराव पाटील यांना बँकेचे अध्यक्ष दिलीप पाटील यांच्या हस्ते देण्यात आला.

करोना विरूध्दच्या लढ्यासाठी सांगली जिल्हा मध्यवर्ती बॅंकेने सव्वा दोन कोटींचा निधी मुख्यमंत्री सहायता निधीला दिला आहे. जिल्ह्याचे पालकमंत्री जयंतराव पाटील यांना या निधीचा धनादेश बॅंकेचे अध्यक्ष दिलीप पाटील यांनी शुक्रवारी दिला.

करोना विषाणूचे संकट हे मानवजातीपुढे एक आव्हान म्हणून उभे ठाकले आहे. या संकटाला तोंड देण्यासाठी राज्य शासन सर्वतोपरी प्रयत्न करीत आहे. करोना विरूध्द एक युध्दच पुकारण्यात आले असून या युध्दासाठी एक कर्तव्य म्हणून जिल्हा बँकेने योगदान देण्याचे ठरविले. याचाच एक भाग म्हणून जिल्हा बँकेच्यावतीने मुख्यमंत्री सहायता निधीसाठी सव्वा दोन कोटींचा निधी देण्यात आला. या निधीचा धनादेश बँकेचे अध्यक्ष पाटील यांनी जिल्हयाचे पालकमंत्री जयंतराव पाटील यांच्याकडे सुपुर्द केला. या वेळी बँकेचे संचालक बाळासाहेब व्हनमोरे, बँकेचे कार्यकारी संचालक जयंतराव कडू, व्यवस्थापक बी. एम. रामदुर्ग आदी उपस्थित होते.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Two crore assistance from sangli district bank abn

ताज्या बातम्या