Thackeray Morcha Against Gyanesh Kumar Updates: ज्ञानेश कुमारांविरोधात मुंबईत एल्गार; राज-उद्धव ठाकरेंचं निवडणूक आयोगाविरोधात ओढले ताशेरे

राज ठाकरे काय म्हणाले?

मी २०१७ ते २०१८ पासून मी सांगत होतो, की मतचोरी होते आहे. सोनिया गांधी असोत, ममता बॅनर्जी असोत मी सगळ्यांची भेट घेतली होती. निवडणुकांवर बहिष्कार टाका, कारण तोपर्यंत पारदर्शक कारभार होणार नाही. अशा पद्धतीने मतं कमी होऊ शकत नाहीत आणि मतं अशी वाढू शकत नाहीत. मी हा दावा केला होता की मतचोरी होते आहे असं राज ठाकरेंनी त्यांच्या भाषणात सांगितलं आहे. मी जे तेव्हा म्हणत होतो ते आत्ता सगळ्यांना म्हणत होतो. २०२४ च्या विधानसभा निवडणुकीत संपूर्ण बहुमत महायुतीला मिळालं. महाराष्ट्रात काय सन्नाटा, जल्लोष नाही. असा कुठला विजय असतो? जिथे विजय मिळाल्यानंतर लोकांमध्ये उत्साह किंवा जल्लोष नसतो. २०२४ च्या लोकसभा निवडणुकीनंतर ही निवडणूक पार पडली होती. त्यात ४० ते ६० लाख मतदार वाढवले गेले. असा कुठला व्हायग्रा आहे की दणादण मतदार वाढले? असा खोचक टोला राज ठाकरेंनी लगावला.

मला सत्ताधारी पक्षाला एकच सांगायचं आहे की आम्हाला कुठलाही राग नाही किंवा आसूया नाही. तुम्ही सत्ता कशी राबवता आहात आणि कशातून राबवत आहात त्याचा आम्हाला राग आहे. लोकांनी ठरवावं की कुणाला सत्तेत बसवायचं आणि कुणाला विरोधात. लोकांनी ठरवलं पाहिजे, निवडणूक आयोगाने नाही. सध्या मनमानी कारभार सुरू आहे, एकाच उद्योगपतीला विमानतळं दिली, जंगलं दिली, पोर्ट दिले. काय चाललंय काय? आम्ही काही केलं तरी फरक पडत नाही हे निवडणूक आयोगाला बांधल्यामुळे होतं आहे. या देशातल्या जनतेने काहीही बोलावं, काहीही सांगावं, निवडणूक आयोग आमच्यासह असेल तर आम्ही मनाला येईल तसं वागू. आम्हाला अमेरिकेला सरेंडर व्हायचं आहे तर होऊ, पेट्रोलचे भाव वाढवू, तुम्हाला रांगेत उभं करू. कुठलाही राजकीय पक्ष सत्तेत असतो तेव्हा त्यांना भीती असते. लोकांनी मतदान केलं नाही तर आपली सत्ता जाईल, अशी कुठलीही भीती महाराष्ट्रातही नाही, केंद्रातही नाही कुठेही दिसत नाही असंही राज ठाकरे म्हणाले. यांच्या काळात फक्त एक उद्योगपती मोठा होताना दिसतो आहे. ही हिंमत आली कुठून? सगळी चॅनल्स आम्ही ताब्यात घेतली, निवडणूक आयोग ताब्यात घेऊन ठेवला आहे. सत्तेतल्या कुठल्याही पक्षाने विचार केला पाहिजे की आपलं आजचं चुकीचं पाऊल, धोरण हे पुढच्या काळात पायंडा होणार का?

उद्धव ठाकरे काय म्हणाले?

हा लढा आपल्या स्वातंत्र्याचा लढा आहे. पहिल्या प्रथम मोदी पंतप्रधान झाले, तेव्हा त्यांनी मेक इन इंडियाची घोषणा दिली होती. मेक इन इंडिया आपल्या देशात हुकुमशाहाही बनणार असेल तर त्याला आपल्याच देशात गाडून टाकू. तुमची हुकुमशाही आम्ही गाडून टाकली असं समजा. सर्वांना विषय माहितेय, त्यात काही बारकावे आहेत. संपूर्ण देशात किती मतदार वगळले आहेत, हे माहितेय का? १३ कोटी मतदार अचानक वगळून टाकले आहेत. १३ कोटी संपूर्ण महाराष्ट्रातील लोकसंख्या वगळून टाकली आहे, असं उद्धव ठाकरे म्हणाले.

माझा आक्षेप निवडणूक आयुक्ताच्या नेमणुकीलाच आहे. राष्ट्रपतींची निवडणूक होते, मग निवडणूक आयुक्तांची निवडणूक का होत नाही, नेमणूक का होते. या कमिटीमध्ये पूर्वी पंतप्रधान, सरन्यायाधीश, विरोधी पक्ष नेते होते. यांनी यातून सरन्यायाधीश काढून टाकले, विरोधी पक्षनेता ठेवला. सरन्यायाधीशांच्या जागी पंतप्रधान म्हणतील तो मंत्री टाकला. मग तो मंत्री कोण तर अमित शाह सांगतील तो मंत्री. पहिल्या प्रथम, ज्ञानेश कुमारची नेमणूक पक्षपातीपणाने केली, असंही त्यांनी म्हटलं.

Thackeray Morcha Live Updates : ठाकरे बंधूंच्या मोर्चातील लाईव्ह अपडेट्स वाचा