ठाकरे गटाचे प्रमुख उद्धव ठाकरे यांनी मालेगाव येथील सभेतून भाजपासह शिंदे गटावर जोरदार हल्लाबोल केला आहे. भाजपा-शिंदे गटातील जागा वाटपावरून उद्धव ठाकरेंनी भाजपा प्रदेशाध्यक्ष चंद्रशेखर बावनकुळेंवर निशाणा साधला. “बावनकुळेसाहेब, तुमच्या नावाएवढ्या किमान ५२ जागा तरी मिंधे गटाला द्या. त्यांची काहीतरी लायकी ठेवा,” अशा शब्दांत उद्धव ठाकरेंनी टोलेबाजी केली.

उद्धव ठाकरे आपल्या भाषणात म्हणाले, “आताचे भाजपाचे जे प्रदेशाध्यक्ष बावनकुळे आहेत. त्या बावनकुळेंनी सांगितलं की, आम्ही मिंधे गटाला फक्त ४८ जागा देणार आहोत. पण आहो बावनकुळेसाहेब, तुमच्या नावाएवढ्या किमान ५२ जागा तरी द्या. त्यांची काहीतरी लायकी ठेवा. एवढ्या असंख्य जिवंत माणसांचं प्रेम त्याग करून ते तुमच्या खोक्यात घुसलेले सगळे मिंधे आहेत. त्यांना तुम्ही ४८ जागांमध्येच आटोपणार का?”

arvind kejriwal low calorie diet allegation by delhi lg
Arvind Kejriwal : “अरविंद केजरीवाल जाणीवपूर्वक…”, तुरुंगातील आहारावरून नायब राज्यपाल वी.के. सक्सेना यांचा गंभीर आरोप!
Jitendra Awhad, Eknath shinde, Jitendra Awhad give statement about Eknath shinde, funds distributio, Jitendra Awhad criticise ajit pawar, thane news, latest news,
तेव्हाचे मुख्यमंत्री एकनाथ शिंदे वेगळे होते, अजितदादांनी मला हरविण्याचा प्रयत्न चालवला; जितेंद्र आव्हाड यांची टोलेबाजी
Murbad MLA Kisan Kathore Vs Kapil Patil
मुरबाडमध्ये कथोरेंची महायुतीतच कोंडी?
MLA Ravindra Dhangekar On Worli Hit Run Case
“वडील सापडतात, मग मुलगा का नाही?” वरळीतील हिट अँड रन प्रकरणावरून रवींद्र धंगेकर आक्रमक
Uddhav Thackeray Speech
उद्धव ठाकरेंचा एकनाथ शिंदेंवर जोरदार हल्लाबोल, “गद्दार झालो तरीही चालेल पण खुर्ची…”
Pramod Patil On Vasant More
“वसंत मोरेंना मनसे सोडल्याचा पश्चात्ताप होईल”, राजू पाटलांचा टोला; म्हणाले, “आता फेसबुक लाईव्हचं नेतृत्व…”
What Devendra Fadnavis Said?
देवेंद्र फडणवीस यांची मागणी, “राहुल गांधींनी हिंदू समाजाचा अपमान केला आहे, त्यांनी आता लोकसभेत…”
Rishi Sunak
“माझा धर्मच मला…”, ब्रिटनचे पंतप्रधान ऋषी सुनक यांचं विधान चर्चेत; लंडनमधील स्वामीनारायण मंदिराला दिली सपत्निक भेट!

हेही वाचा- “स्वातंत्र्यवीर सावरकर आमचं दैवत, त्यांचा अपमान…”, उद्धव ठाकरेंचा थेट राहुल गांधींना इशारा

उद्धव ठाकरे पुढे म्हणाले, “आज तुमच्या सगळ्यांच्या साक्षीने मी महाराष्ट्रातील भाजपाला विचारतोय, तुम्ही (भाजपा) मिंध्यांच्या नेतृत्वाखाली निवडणुका लढणार आहात का? असं असेल तर आम्ही मिंध्यांना नेता मानून निवडणुका लढणार आहोत, हे भाजपाने जाहीर करावं. जर भाजपाला असं वाटत असेल की, आपण ठाकरेंपासून शिवसेना तोडू शकतो. तर तुमचे ५२ नव्हे तर १५२ कुळं खाली उतरली तरी कुणी शिवसेना तोडू शकत नाही. प्रयत्न करून बघा.”

हेही वाचा- “सुहास कांदेला रस्त्यावर फेकायचंय आणि…”, मालेगावातून संजय राऊतांचा शिंदे गटावर हल्लाबोल!

“मी तर म्हणतो, आता तातडीने निवडणुका घ्या. हिंमत असेल तर मोदींच्या नावाने मतं मागा. मी माझ्या वडिलांच्या नावाने मते मागतो. बघुया महाराष्ट्र कुणाला कौल देतो. स्वत:कडे कर्तृत्व शून्य असताना ते गद्दारी करून मुख्यमंत्री झाले. त्यांना अजूनही माझ्या वडिलांचं नाव वापरावं लागतंय, हा तुमचा पराभव आहे. ज्या शिवसेनेनं तुम्हाला राजकारणात जन्म दिला. त्या राजकारणातल्या जन्मदात्या आईच्या कुशीवर वार करणारे हे सगळे चोर धनुष्यबाण घेऊन फिरत आहेत” अशा शब्दांत उद्धव ठाकरेंनी टीकास्र सोडलं.