अमरावतीत निषेध मोर्चाला हिंसक वळण

काही काळ तणाव निर्माण झाला होता. दगडफेकीत तीन जण जखमी झाले.

अमरावती : त्रिपुरात समाजबांधवांवर अत्याचार आणि प्रार्थनास्थळांची नासधूस या घटनांच्या निषेधासाठी मुस्लीम बांधवांनी शुक्रवारी येथील जिल्हाधिकारी कार्यालयावर मोर्चा काढला. मोर्चादरम्यान चित्रा चौक ते मालवीय चौकादरम्यान काही दुकानांवर दगडफेक करून वाहनांची नासधूस करण्यात आली. त्यामुळे काही काळ तणाव निर्माण झाला होता. दगडफेकीत तीन जण जखमी झाले.

मोर्चेकरी शहरातील कॉटन मार्केट परिसरातून जात असताना काही समाजकं टकांनी सुरुवातीला गोपाल किराणा स्टोअर्सवर,बालाजी मार्केट परिसरातील फू ड झोन, लढ्ढा इंटेरियर, मेडिकल पॉईंट, जयभोले दाबेली, राजपूत डेअरी, शुभम इलेक्ट्रिकल या दुकानांवर दगडफे क करून फू ड झोनमध्ये दुकानातील पैसे लुटण्याचा प्रयत्न के ला. या झटापटीत दुकानदार मीलन गांधी तर दगडफे कीत शिवा गुप्ता आणि विशाल तिवारी व अन्य जखमी झाल्याचे कळते. यानंतर परिसरातील दुकाने बंद करण्यात आली. मोर्चेकरी जिल्हाधिकारी कार्यालयावरून परतत असताना काही तरूणांनी धुडगूस घातला. त्यामुळे दुकानदारांमध्ये रोष आहे. यानंतर पोलीस उपायुक्त विक्र म साळी घटनास्थळी पोहचले. या भागात पोलीस बंदोबस्त वाढवण्यात आला. भाजपचे नेते जगदीश गुप्ता, तुषार भारतीय, शिवराय कु ळकर्णी यांनी या घटनेचा निषेध के ला आहे.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Violent turn to protest in amravati akp

ताज्या बातम्या