राज्यात पुन्हा एकदा काँग्रेसचं सरकार आणायचं असून पुढचा मुख्यमंत्री आपल्याला वसंतदादांच्या विचारांचा हवा आहे, असं विधान सांगलीचे अपक्ष खासदार विशाल पाटील यांनी केलं आहे. तसेच यासाठी आपल्या सगळ्यांनाच एकत्र होऊन काम करावं लागेल, असेही ते म्हणाले. लोकसभा निवडणुकीतील विजयानंतर आज सांगलीत विशाल पाटील यांचा सत्कार आयोजित करण्यात आला होता. यावेळी बोलताना त्यांनी यासंदर्भात प्रतिक्रिया दिली.

हेही वाचा – “वरळीत पुन्हा निवडणुकीला उभे राहतात की घाबरून…”, श्रीकांत शिंदेंचा आदित्य ठाकरेंना टोला

Devendra Fadnavis On Uddhav Thackeray Anil Parab
“उद्धव ठाकरेंच्या शिवसेनेचे सेनापती…”, फडणवीसांकडून ठाकरे गटाच्या आमदाराचं तोंडभरुन कौतुक
NCP MLA Rohit Pawar
“दोन दिवस थांबा, राज्याला हादरवून सोडणारा खुलासा…”, रोहित पवार यांचं मोठं विधान
Rohit Sharma Statement on India Win
IND vs ENG: टीम इंडियाच्या फायनल प्रवेशासह रोहित शर्माचे विराट कोहलीवर मोठे वक्तव्य; म्हणाला, “१५ वर्ष खेळलेल्या…”
uddhav thackeray prakash ambedkar (2)
“गरज सरो वैद्य मरो”, प्रकाश आंबेडकरांचा उद्धव ठाकरेंच्या ‘त्या’ वक्तव्यावर आक्षेप; म्हणाले, “तुमचे पक्ष वाचवण्यात…”
wardha, Sharad Pawar, amar kale,
शरद पवारांची ‘ती’ ऑफर ‘या’ खासदाराने नाकारली, नेमकं काय घडलं? जाणून घ्या
sharad pawar marathi news (1)
अजित पवारांच्या ‘मी नवखा नाही’ विधानावर शरद पवारांचं खोचक भाष्य; म्हणाले, “खिशात ७० रुपये असताना…”!
uddhav thackeray pradnya satav kharge
काँग्रेसकडून प्रज्ञा सातव यांना विधान परिषदेची उमेदवारी, ठाकरे गटाच्या ‘त्या’ पत्राला केराची टोपली?
pankaja munde manoj jarange
पंकजा मुंडेंच्या विधान परिषदेच्या उमेदवारीला मनोज जरांगेंचा विरोध? सूचक वक्तव्य करत म्हणाले…

नेमकं काय म्हणाले विशाल पाटील?

“आगामी विधानसभा निवडणुकीत आपल्याला सांगली जिल्ह्यातून काँग्रेस पक्षाचे चार ते पाच आमदार निवडून आणायचे आहेत. या राज्यात पुन्हा एकदा काँग्रेसचं आणि वसंतदादांच्या विचारांचं सरकार आणायचं आहे. वसंत दादांच्या विचारांचा मुख्यमंत्री या राज्यात पुन्हा एकदा झाला पाहिजे, सांगली जिल्ह्याचा माणूस पुन्हा एकदा मुख्यमंत्री झाला पाहिजे. यासाठी आपल्याला सगळ्यांनाच एक होऊन काम करावं लागेल”, असं विशाल पाटील म्हणाले.

पुढे बोलताना, “माझ्या विजयाबरोबरच सांगलीतला प्रत्येक जण खासदार म्हणून निवडून आलेला आहे. मला तुम्ही निवडून दिले आहे. आता तुमच्या आशा आकांक्षा पूर्ण करण्याची जबाबदारी माझ्यावर आहे”, अशी प्रतिक्रियाही त्यांनी दिली. याबरोबरच “प्रत्येक तालुक्यात आपण संपर्क कार्यालय सुरू करणार असून त्यामार्फत आपल्याला काँग्रेस पक्षाचा विचार हा घरोघरी पोहोचवायचा आहे”, असेही ते म्हणाले.

हेही वाचा – “देवेंद्र फडणवीसांनी मराठा समाजाला त्रास दिला अन् त्यांची…”; विशाल पाटील नेमकं काय म्हणाले?

दरम्यान, विशाल पाटील यांनी सांगलीतून अपक्ष उमेदवार म्हणून निवडणूक लढवली होती. या निवडणुकीत त्यांचा विजय झाला होता. सांगलीत यंदा तिरंगी लढत बघायला मिळाली होती. अपक्ष विशाल पाटील, भाजपचे संजयकाका पाटील आणि ठाकरे गटाचे उमेदवार चंद्रहार पाटील, यांच्यात मुख्य लढत होती. या निवडणुकीत विशाल पाटील यांना ५ लाख ७१ हजार ६६६ मते मिळाली, तर भाजपाचे उमेदवार संजयकाका पाटील यांना ४०.३३ टक्के आणि महाविकास आघाडीचे उमेदवार चंद्रहार पाटील यांना ५.२० टक्के मते मिळाली होती. सांगलीत यंदा एकूण एकूण ११ लाख ६९ हजार ३२० मतदान झाले होते.