पत्नी व सासूच्या जाचास कंटाळून तरुणाने विष पिऊन आत्महत्या करण्याची घटना मिरजेत घडली असून या प्रकरणी सहाजणांना पोलिसांनी अटक केली आहे.
मोजम महंमद शफी मलंग हा विशाळगडचा तरुण पत्नी रमिजा हिच्या माहेरी राहण्यास होता. या दोघांमध्ये किरकोळ कारणांवरून वादावादी कायम होत होती. दोन दिवसांपूर्वी त्याने डोक्यात फरशी मारून स्वतला जखमी केले होते. याबाबत पत्नीने पोलीस ठाण्यात लेखी तक्रार अर्जही दिला होता. या तक्रार अर्जाच्या चौकशीसाठी मोजम मलंग याला काल पोलिसांनी ठाण्यात बोलावले होते. यावेळी तो विष पिऊन आला असल्याचे त्यानेच पोलिसांना सांगितले. त्यामुळे पोलिसांनी त्याला तत्काळ रुग्णालयात दाखल केले. मात्र तो रात्री मरण पावला.
पोलिसांनी या प्रकरणी तरुणाच्या वडिलांच्या फिर्यादीनुसार पत्नी रमिजा मलंग, सासरा आदम मुल्ला, सासू शहीदा मुल्ला, दीर यासीन मुल्ला, आजीसासू प्यारन मुल्ला आणि अन्य एक अल्पवयीन मुलगा अशा सहाजणांविरुद्ध गुन्हा दाखल केला असून त्यांना अटक केली आहे. गुरुवारी न्यायालयाने पत्नी, सासू, सासरा व मेहुणा या चौघांना चार दिवस पोलीस कोठडीत ठेवण्याचे आदेश दिले. तर लहान मुलाची रवानगी बाल सुधारगृहात केली आहे. आजीसासू प्यारन मुल्ला हिची रवानगी न्यायालयीन कोठडीत करण्यात आली आहे.

या बातमीसह सर्व प्रीमियम कंटेंट वाचण्यासाठी साइन-इन करा
मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Young commits suicide drink poison
First published on: 23-05-2014 at 03:33 IST