मुंबईच्या राजकीय वर्तुळात मोठे प्रस्थ असलेले माजी मंत्री बाबा सिद्दीकी यांनी लोकसभा निवडणूक तोंडावर असताना काँग्रेसचा राजीनामा देत राष्ट्रवादी काँग्रेसमध्ये (अजित पवार गट) प्रवेश केला. त्यांचे पुत्र झिशान सिद्दीकी मात्र अद्याप काँग्रेसमध्येच आहेत. माझा काँग्रेस सोडण्याचा विचार नाही, असे त्यांनी स्पष्ट केले होते. असे असताना काँग्रेसने झिशान सिद्दीकी यांची मुबई युवक काँग्रेसच्या अध्यक्षपदावरून उचलबांगडी केली आहे. यावरच झिशान सिद्दीकी यांनी प्रतिक्रिया दिली. ते ‘टीव्ही ९ मराठी’शी बोलत होते.

“न सांगताच मला पदावरून हटवण्यात आले”

“काँग्रेसने घेतलेल्या या निर्णयाची मला कोणतीही कल्पना नव्हती. हा निर्णय घेतल्यानंतर मला आश्चर्य वाटले. मी अजमेर शरीफवरून आलो आहे. मला काल या निर्णयाबाबत माहिती देण्यात आली. मला कोणताही मेल, किंवा मेसेज मिळालेला नाही. मी १२ वर्ष काँग्रेस पक्षासाठी दिलेले आहेत. मला पदावरून हटवायचेच होते तर त्यांनी मला थेट संपर्क करायला हवा होता. मात्र त्यांनी आता निर्णय घेतलेला आहे. मला समाजमाध्यमांमार्फत समजलेले आहे,” असे झिशान सिद्दीकी म्हणाले.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Zeeshan siddique comment on congress decision on removing him from mumbai youth president prd
First published on: 22-02-2024 at 11:10 IST