बॉलिवूड कलाकार हे सोशल मीडियावर प्रचंड सक्रिय असल्याचे पाहायला मिळते. ते सतत त्यांचे फोटो आणि व्हिडीओ देखील शेअर करताना दिसतात. पण बऱ्याच वेळा त्यांना ट्रोलिंगचा देखील सामना करावा लागतो. असेच काहीसे अभिनेता आर. माधवनसोबत झाले आहे. पण तो देखील शांत बसला नाही. त्याने ट्रोल करणाऱ्या महिलेला सडेतोड उत्तर दिले आहे. नुकताच अभिनेता अमित साधने त्याच्या ट्विटर अकाऊंटवर आर. माधवनसोबतचा एक फोटो शेअर केला होता. हा फोटो शेअर करत त्याने, 'भाऊ. मॅडी सर. तु मला पुन्हा प्रेरणा दिली आहेस. माझे तुझ्यावर खूप प्रेम आहे' या आशयाचे कॅप्शन दिले होते. BROTHER . MADDY SIR . you have inspired me with those ( THIRTY MINUTES) yet again . love you bro . more when we meet next pic.twitter.com/ecyk9szr1r — Amit Sadh (@TheAmitSadh) January 3, 2021 अमित साधचे ट्विट एका महिला डॉक्टरने रिट्विट केले. 'मॅडी कधी काळी माझा जीव की प्राण होता. पण आता दारु आणि ड्रग्जच्या आहारी गेल्यामुळे त्याने त्याचे करिअर, आयुष्य उद्ध्वस्त केले असल्याचे पाहणे थोडे निराशाजनक आहे. रेहना है तेरे दिल में या चित्रपटातून जेव्हा त्याने बॉलिवूडमध्ये पदार्पण केले तेव्हा तो वेगळा दिसत होता. आणि आता त्याचा चेहरा, त्याचे डोळे खूप काही सांगून जातात.' या आशयाचे ट्विट त्यांनी केले होते. Oh .. So that’s your diagnoses ? I am worried for YOUR patients. . May be you need a Docs appointment. . — Ranganathan Madhavan (@ActorMadhavan) January 5, 2021 हे ट्विट पाहून आर. माधवनने त्यांना उत्तर देत सुनावले आहे. 'ओह.. तर हे आहे तुमचे डायग्नोसिस? मला तुमच्या रुग्णांची काळजी वाटते. मला असे वाटते तुम्हाला स्वत:ला डॉक्टरांचा सल्ला घेण्याची गरज आहे' या आशयाचे ट्विट त्याने केले आहे.