CQ8CYbPUYAAyr_9
बॉलिवूड सुपरस्टार शाहरूख खानचे त्याच्या मुलांप्रतीचे प्रेम सर्वश्रुत आहे. जगभरात तो कोठेही शूटिंग करत असला अथवा कामात व्यस्त असला, तरी शाहरूख वेळातवेळ काढून आर्यन, सुहाना आणि छोट्या अबरामबाबतचे अपडेट्स सोशल मीडियावर पोस्ट करत असतो. सध्या ‘दिलवाले’ चित्रपटाच्या चित्रीकरणात व्यस्त असलेल्या शाहरूखने अबरामच्या ‘शूज’चे कलेक्शन सोशल मीडियावर पोस्ट केले आहे. क्रॉक्स, सँण्डल, स्पोर्टस् शूज, स्निकर्स आणि मेटॅलिक स्ट्रॅप शूज असे विविध प्रकारचे शूज अबरामच्या शूज कलेक्शनमध्ये आहेत. या मे महिन्यात दोन वर्षांचा झालेला अबराम सतत माध्यमातून चर्चेत असतो. आत्तापासूनच त्याचा फॅन फॉलोअर तयार झाल्याचे म्हटल्यास वावगे ठरणार नाही. अलिकडे तो एका आलिशान गाडीतून ‘दिलवाले’चा दिग्दर्शक रोहित शेट्टीबरोबर फेरफटका मारताना नजरेस पडला होता. शाहरूख खान आणि काजोलची मोठ्या पडद्यावरील यशस्वी जोडी ‘दिलवाले’ चित्रपटाच्या निमित्ताने पुन्हा एकदा एकत्र दिसणार आहे. चित्रपटात वरुण धवन आणि किर्ती सनोन यांच्यादेखील भूमिका आहेत.