अभिनेत्री आरती छाबरिया झलक दिखला जा या डान्स रिअॅलिटी शोमधून बाहेर पडली आहे. या शो दरम्यान बरगडीला दुखापत झाल्याने आरतीला डॉक्टरांनी आराम करण्याचा सल्ला दिला होता. मात्र, तरीही तिने सात आठवडे प्रतिस्पर्ध्यांना टक्कर देत चांगले नृत्य सादर करण्याचा प्रयत्न केला.आरती म्हणाली की, माधुरीसमोर नृत्य सादर करणे हे माझे स्वप्न होते. तिच्याप्रमाणे नृत्य आणि डोळ्यांच्या मुद्रांचे अनुकरण करण्याचा मी प्रयत्न करत आले आहे. झलकने मला माधुरीसमोर नृत्य करण्यासाठी व्यासपीठ दिल्याने मी त्यांचे आभारी आहे. या शोमुळे अनेक नवीन नृत्यप्रकार मला शिकण्यास मिळाले. दोन वर्षांपासून परदेशात आरती चित्रपटनिर्मितीचे प्रशिक्षण घेत होती.
