News Flash

पुन्हा ‘scam’, अभिषेकच्या ‘The Big Bull’चा जबरदस्त ट्रेलर प्रदर्शित

सध्या ट्रेलर सोशल मीडियावर चर्चेत आहे.

बॉलिवूड अभिनेता अभिषेक बच्चनचा आगामी चित्रपट ‘द बिग बुल’ गेल्या काही दिवसांपासून चर्चेत आहे. नुकताच या चित्रपटाच ट्रेलर प्रदर्शित झाला असून सोशल मीडियावर व्हायरल झाला आहे. या चित्रपटात अभिषेक मुख्य भूमिकेत दिसणार असून १९९२ मध्ये भारतीय शेअर बाजारात झालेल्या मोठ्या स्कॅममधील आरोपी हर्षद महेता यांच्या जीवनावर हा चित्रपट आधारित आहे.

नुकताच ‘द बिग बुल’ चित्रपटाचा ट्रेलर प्रदर्शित झाला आहे. या ३ मिनिट ८ सेकंदाच्या ट्रेलरच्या सुरुवातीला ‘इस देश मैं हम कुछ भी कर सकते है’ असे बोलताना दिसत आहे. चित्रपटातील अभिषेकचा हटके अंदाज आणि लूकवर चाहते फिदा झाले आहेत. तसेच चित्रपटात इलियाना डिक्रूज एका महिला पत्रकाराची भूमिका साकारताना दिसणार आहे. या ट्रेलरमध्ये हर्षद मेहता यांचा सर्वसामान्य कुटुंबातील एक तरुण ते भारतातील सर्वात मोठा स्टॉक इन्व्हेस्टर होण्यापर्यंतचा प्रवास दाखवण्याच आला आहे.

येत्या ८ एप्रिलला ‘द बिग बुल’ हा चित्रपट प्रदर्शित होणार आहे. करोना महामारीमुळे या चित्रपटाचं प्रदर्शन लांबणीवर पडलं आणि त्यामुळे निर्मात्यांनी हा चित्रपट ओटीटी प्लॅटफॉर्मवर प्रदर्शित करण्याचा निर्णय घेतला. हा चित्रपट ८ एप्रिलला डिस्ने प्लस हॉटस्टार या ओटीटी प्लॅटफॉर्मवर प्रेक्षकांना पाहायला मिळणार आहे. या चित्रपटात अभिषेक बच्चनसोबत इलियाना डिक्रुझ, निकिता दत्त, सुमित व्यास, राम कपूर, सोहम शाह हे कलाकार महत्त्वाच्या भूमिकेत दिसणार आहेत. याच विषयावर गेल्या वर्षी ‘स्कॅम १९९२- द हर्षद मेहता स्टोरी’ ही वेबसीरीज आली होती. हंसल मेहता यांचं दिग्दर्शन असलेल्या वेबसीरीजमध्ये प्रतिक गांधी या कलाकाराने प्रमुख भूमिका साकारली आहे. या वेबसीरीजला प्रेक्षक, समीक्षक दोघांचीही पसंती मिळाली. त्यामुळे चित्रपट देखील प्रेक्षकांना आवडेल अशी शक्यता वर्तवली जात आहे

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 19, 2021 11:53 am

Web Title: abhishek bachchan film the big bull trailer out avb 95
Next Stories
1 बॉलिवूड दिग्दर्शक अनुराग कश्यपने केले मराठमोळ्या अक्षय इंडीकरच्या ‘स्थलपुराण’चे कौतुक
2 मालदीवमधील श्रद्धाचे हॉट फोटो व्हायरल
3 नाट्य परिषदेचा नवा गोंधळ, अध्यक्षपदाच्या वादाबाबत विश्वस्तांचे पत्र
Just Now!
X