दिवसेंदिवस करोना विषाणूचे संक्रमण वाढत चालले असल्याचे दिसत आहे. अनेक कलाकारांना देखील करोनाचा संसर्ग झाल्याचे समोर आले. आता छोट्या पडद्यावरील लोकप्रिय अभिनेता नमिश तनेजाने त्याच्या कुटुंबीयांना करोनाची लागण झाल्याचे सांगितले आहे.

नुकताच नमिशने इन्स्टाग्राम अकाऊंटवर एक पोस्ट शेअर केली आहे. या पोस्टमध्ये त्याने ‘तुम्ही सगळे कसे आहात? मी तुम्हाला सांगू इच्छित आहे की माझे आई- वडिल, बहिण आणि चुलत भाऊ यांची करोना चाचणी पॉझिटीव्ह आली आहे. पण माझा करोना रिपोर्ट निगेटीव्ह आला आहे आणि मी घरात आयसोलेशनमध्ये आहे. मी तुमचे सगळ्यांचे आभार मानतो. कृपया तुम्ही देखील सुरक्षित रहा’ असे त्याने पोस्टमध्ये म्हटले आहे.

नमिश सध्या ‘विद्या’ या मालिकेत काम करत आहे. तसेच त्याने मै मायके चली जाऊंगी, इक्यावन, स्वारागिनी या मालिकांमध्ये काम केले आहे.