करोनाचा प्रादुर्भाव रोखण्यासाठी देशात २५ मार्चपासून लॉकडाउन सुरु आहे. लॉकडाउन सुरु झाल्यामुळे हातावर पोट असणाऱ्या अनेक स्थलांतरित मजुरांचे हाल झाले आहेत. वेगवेगळ्या राज्यांमध्ये अडकून पडलेल्या मजुरांनी चालत आपल्या घरी जाण्याचा निर्णय घेतल्याने मागील जवळजवळ दोन महिन्यांपासून देशातील अनेक राज्यांमधून मजूर चालत आपल्या राज्यांमध्ये परत जाताना दिसत आहे. मात्र तिसऱ्या आणि चौथ्या लॉकडाउनमध्ये श्रमिक विशेष ट्रेन्सच्या माध्यमातून मजुरांना त्यांच्या राज्यात पोहचवण्याची सुविधा देण्यात आली आहे. असं असलं तरी अनेक श्रमिकांना आपल्या राज्यात जाण्यात अडचणी येत आहेत. यासाठी बॉलिवूड अभिनेता आणि चित्रपटात खलनायकाची भूमिका बजावण्यात प्रसिद्ध असलेल्या सोनू सुदने पुढाकार घेतला असून त्याने मुंबईमध्ये अडकलेल्या उत्तरेतील मजुरांना घरी पोहचवण्यासाठी बस गाड्यांची व्यवस्था केली आहे. बॉलिवूड अभिनेता आणि चित्रपटात खलनायकाची भूमिका बजावण्यात प्रसिद्ध असलेल्या सोनू सुदने या काळात अनेक कामगारांना आपल्या घरी पोहचण्यासाठी बस गाड्यांची सोय केली. काही दिवसांपूर्वी सोनूने मुंबईत अडकलेल्या कर्नाटकातील कामगारांना घरी जाण्यासाठी सरकारी अधिकाऱ्यांची परवानगी घेत १० बस गाड्यांची सोय केली. त्याच्या याच कामामुळे आता थेट सोशल नेटवर्किंगवरुन त्याला अनेकजण घरी पोहचवण्यासाठी मदत करण्याची विनंती करत आहेत. अशाच एका परराज्यात अडकलेल्या विनोद कुमार नावाच्या व्यक्तीने सोनूला ट्विटवर टॅग करत "सोनू सर तुमची मदत हवीय. आम्हाला पूर्व उत्तर प्रदेशमधील कोणत्याही ठिकाणी पोहचवण्याची सोय करा तिथून आम्ही पायी चालत आमच्या गावी जाऊ सर," अशा शब्दात मदत मागितली. @SonuSood help sir please, Esat यूपी में कहीं भी भेज दो सर वहां से पैदल चले जाएंगे अपने गांव सर — Vinod Kumar (@VinodKumar24489) May 22, 2020 सोनूनेही या व्यक्तीच्या ट्विटची दखल घेतली. मात्र त्याने दिलेला रिप्लाय सध्या सोशल नेटवर्किंगवर व्हायरल होताना दिसत आहे. आम्हाला उत्तर प्रदेशच्या पूर्वेकडील भागात कुठेही उतरवा अशी मागणी करणाऱ्याला सोनूने, "चालत का जाणार मित्रा? नंबर पाठव तू" असा रिप्लाय दिला आहे. पैदल क्यों जाओगे दोस्त?? नम्बर भेजो। — sonu sood (@SonuSood) May 22, 2020 दहा हजारहून अधिक जणांनी सोनूचे हे ट्विट रिट्विट केलं आहे. अनेकांनी या ट्विटवर प्रतिक्रिया देताना सोनूचं कौतुक केलं आहे. अशाप्रकारे थेट ट्विटवरुन उत्तर देत परराज्यांमध्ये अडकलेल्यांना सोनूने दिलासा देण्याची ही काही पहिलीच वेळ नाही याआधीही त्याने अशाप्रकारे काहीजणांना थेट ट्विटवरुन मदत केली आहे. तुम्हीच पाहा त्याचे हे ट्विट. परवा आईच्या कुशीत झोपशील परसों माँ की गोद mein सोएगा मेरे भई। सामान बांध। — sonu sood (@SonuSood) May 23, 2020 तो घरी चाललाय Vo parson apne ghar darbhanga jaa raha hai. Details bhej dena. Jaldi se — sonu sood (@SonuSood) May 22, 2020 जायचय नाही जातोय जाना था नहीं . जा रहे हो । details Bhejo. — sonu sood (@SonuSood) May 22, 2020 झाली व्यवस्था. लो हो गई व्यवस्था . डिटेल्ज़ भेजो। कल आप घर जा रहे हो — sonu sood (@SonuSood) May 22, 2020 सोनूच्या कामाने प्रभावित होऊन महाराष्ट्र राज्यातील कॅबिनेट मंत्री जयंत पाटील यांनी ट्विटरवरुन त्याचे कौतुक केलं आहे. पडद्यावर खलनायकाचं काम करणारा, प्रत्यक्ष आयुष्यात हिरोचं काम करत असल्याचं जयंत पाटील यांनी म्हटलं आहे.