संसदेवरील हल्ल्याचा दोषी अफजल गुरूला बळीचा बकरा बनवण्यात आला होता, असा आरोप अभिनेत्री सोनी राझदान यांनी केला आहे. जम्मू काश्मीरचे निलंबित पोलीस उपाधीक्षक दविंदर सिंह यांना अटक करण्यात आली होती. त्यानंतर सोनी राझदान आणि महेश भट्ट यांनी ट्विटरवरून त्यांच्या अटकेवर आक्षेप घेतला. २००१ मध्ये अफझल गुरूनं संसदेवर हल्ला केला होता. आता त्याच्या फाशीला सात वर्षांचा कालावधी लोटला आहे. त्यानंतर आता सोनी राझदान यांनी वादग्रस्त वक्तव्य केलं आहे. अफझल गुरूची पत्नी तबस्सुमनं दविंदर सिंह यांनी आपल्या पतीच्या सुटकेसाठी १ लाख रूपये मागितल्याचा दावा केला होता. या प्रकरणाच्या चौकशीदरम्यान दविंदर सिंह यांना निलंबित करण्यात आलं होतं. त्यांच्या अटकेनंतर पुन्हा एकदा हा मुद्दा समोर आला आहे. This is a travesty of justice. Who is going to bring back a man from the dead if he is innocent. This is why the death penalty is not to be used lightly. And this is why there also needs to be a solid enquiry into why Afzal Guru was made the scapegoat — Soni Razdan (@Soni_Razdan) January 21, 2020 'There Should be Inquiry into Why Davinder Singh Was Let off after Afzal. via @YouTube There should also be an enquiry as to how people like Afzal are tortured and forced to carry out terrorist activities for criminals and then get the death penalty ! — Soni Razdan (@Soni_Razdan) January 21, 2020 सोनी राझदान यांनी अफजल गुरूच्या फाशीवर प्रश्नचिन्ह उपस्थित केलं आहे. एखादा व्यक्तींचं निर्दोषत्व सिद्ध झालं तर त्याचा जीव परत कसा आणणार? मृत्यूदंडाची शिक्षा सहजरित्या दिली जाऊ नये. अफझल गुरूला बळीचा बकरा बनवलं गेलं याची चौकशी करण्यात यावी, असं ट्विट त्यांनी केलं आहे. अफझल गुरूच्या फाशीनंतर दविंदर सिंह यांना का सोडण्यात आलं, याचीदेखील चौकशी करण्याची मागणी सोनी साझदान यांनी केली आहे. अफझल गुरूसारख्या लोकांवर कसा अत्याचार केला जातो आणि गुन्हेगारांसाठी दहशतवादी कारवाया करण्यास भाग पाडले जाते. त्यानंतर त्यांना फाशीची शिक्षा कशी मिळते, याचीही चौकशी व्हायला हवी, असंही त्यांनी ट्विटमध्ये नमूद केलं आहे.