मस्त चित्रपटातून कलाविश्वात पदार्पण करणारा अभिनता आफताब शिवदासानी बाबा झाला आहे. त्याच्या पत्नीने एका चिमुकलीला जन्म दिला आहे. आफताब आणि निन दुसांज पहिल्यांदाच आई-बाबा झाल्यामुळे त्यांनी हा आनंद चाहत्यांसोबत शेअर केला आहे. आफताबने इन्स्टाग्रामवर आपल्या बाळाच्या पायांचा फोटो शेअर केला आहे.

आफताब आणि निन यांनी २०१४ मध्ये लग्नगाठ बांधली होती. आफताब कलाविश्वापासून दूर असला तरी सोशल मीडियावर सक्रिय असतो. त्यामुळे त्याच्याविषयी अनेक चर्चा रंगत असतात.  त्यातच आता आफताब बाबा झाल्यामुळे चाहत्यांमध्येही आनंदाचं वातावरण पसरलं आहे. आफताबच्या पत्नीने निनने एका चिमुकलीला जन्म दिला आहे. आफताबने इन्स्टाग्रामवर त्याच्या बाळाच्या पायांचा एक फोटो शेअर करत बाबा झाल्याची माहिती चाहत्यांना दिली.

दरम्यान, १९९९ साली ‘मस्त’ चित्रपटातून कलाविश्वात पदार्पण करणारा आफताब सोशल मीडियावर मोठ्या प्रमाणावर सक्रिय असतो. मात्र त्याचा पडद्यावरील वावर कमी झाला आहे. ‘आवारा पागल दिवाना’, ‘आंखे, ‘मस्ती’ अशा सुपरहिट चित्रपटांमध्ये त्याने काम केलं आहे.