नुकताच बहुचर्चित आणि बहुप्रतिक्षीत वेब सीरिज 'द फॅमिली मॅन २'चा ट्रेलर प्रदर्शित झाला आहे. हा ट्रेलर प्रदर्शित होताच सोशल मीडियावर प्रचंड व्हायरल झाला होता. या सीरिजमध्ये अभिनेता मनोज वाजपेयी, समंथा अक्किनेनी आणि प्रियमणि हे कलाकार मुख्य भूमिकेत दिसणार आहेत. पण ट्रेलर प्रदर्शित होताच या कलाकरांसोबतच अभिनेते आसिफ बसरा हे चर्चेत आहे. सहा महिन्यांपूर्वी अभिनेते आसिफ बसरा यांनी आत्महत्या केली. आसिफ बसरा यांचा मृतदेह हिमाचल प्रदेशमधील धर्मशाळा येथील घरात गळफास घेतलेल्या अवस्थेत सापडला होता. नैराश्यामध्ये त्यांनी इतके टोकाचे पाऊल उचलले असल्याचे म्हटले जात होते. आता त्यांच्या निधनानंतर 'द फॅमिली मॅन २' या सीरिजमध्ये त्यांना पाहून चाहते भावूक झाले आहेत. अनेकांनी ट्विटरवर त्यांचे फोटो शेअर केले आहेत. It will be last time screen presence of #AsifBasra in #TheFamilyManSeason2 @BajpayeeManoj @rajndk @Samanthaprabhu2 @sharibhashmi pic.twitter.com/NpH22IMYKh — Smit Modi (@_SMIT_07_) May 19, 2021 Who has noticed Asif Basra, deceased soul in trailer of the Family man 2 ?? #asifbasra #TheFamilyManSeason2 #SamanthaAkkineni pic.twitter.com/myKH231DeD — Yash Majiwala (@yash23597) May 19, 2021 And #AsifBasra will be always missed. What an unassuming & amazing actor. #FamilyManSeason2 — sreeparna sengupta (@sreeparnas) May 19, 2021 आणखी वाचा : हुश्श! ‘द फॅमिली मॅन २’चा ट्रेलर अखेर प्रदर्शित; ‘या’ दिवशी येणार प्रेक्षकांच्या भेटीला 'द फॅमिली मॅन' या सीरिजमध्ये आसिफ मानसोपचार तज्ज्ञांच्या भूमिकेत दिसणार आहेत. या सीरिजच्या माध्यमातून दाक्षिणात्य अभिनेत्री समंथा अक्किनेनी हिंदी चित्रपटसृष्टीमध्ये पदार्पण करणार आहे. मनोज वाजपेयी आणि समंथासोबत प्रियामणि, शारिब हाशमी, सीमा बिस्वा, दर्शन कुमार, शरद केळकर, सनी हिंदुजा, श्रेया धन्वंतरी, शहाब अली, वेदांत सिन्हा आणि महक ठाकूर हे कलाकार महत्वपूर्ण भूमिकेत झळकणार आहेत. ही सीरिज ४ जून रोजी प्रेक्षकांच्या भेटीला येणार आहे.