अभिनेत्री ट्विंकल खन्नाचा चुलत भाऊ आणि अक्षय कुमारचा मेव्हणा करण कपाडिया लवकरच बॉलिवूडमध्ये पदार्पण करणार असल्याची माहिती समोर येत आहे. 'मि़ड डे' या वृत्तपत्राने दिलेल्या माहितीनुसार करण टोनी डिसूझाच्या प्रॉडक्शनअंतर्गत निर्मित चित्रपटातून पदार्पण करणार आहे. करण हा डिंपल कपाडियाची बहिण सिंपल कपाडियाचा मुलगा आहे. टोनी डिसूझासोबत अक्षयने 'ब्लू' आणि 'बॉस' यांसारख्या चित्रपटांमध्ये काम केलंय आणि अक्षयचे त्याच्यासोबत मैत्रीपूर्ण संबंध आहेत. त्यामुळे टोनीने करणला लाँच करावं अशी अक्षयची इच्छा आहे. १४ वर्षांचा असतानाच चित्रपटात काम करण्याची आवड असल्याचं मी अक्षय आणि मावशी डिंपल यांना सांगितलं होतं असं करण म्हणतो. पाहा, रणवीर म्हणतोय 'माय नेम इज लखन' याविषयी 'मिड डे'ला दिलेल्या मुलाखतीत तो म्हणाला की, 'लहानपणी मी कोणाशी जास्त बोलत नव्हतो, जास्त कोणामध्ये मिसळत नव्हतो. त्यामुळे मला अभिनय क्षेत्रात करिअर करायचे असेल म्हणून कोणालाच वाटलं नव्हतं. पण जेव्हा माझी इच्छा मी कुटुंबीयांना सांगितली तेव्हा त्यांनी मला साथ दिली. हा प्रवास माझ्यासाठी सोपा नसेल हे त्यांनी (अक्षय आणि डिंपल) मला आधीच सांगितलं आहे.'
