बॉलीवूडचा खिलाडी अक्षय कुमार याच्या 'एअरलिफ्ट' या आगामी चित्रपटातील पहिले गाणे प्रदर्शित झाले आहे. 'तू कभी सोच ना सके', असे या गाण्याचे बोल असून, अक्षय कुमार आणि अभिनेत्री निमरत कौरचा रोमॅण्टिक अंदाज गाण्यात पाहायला मिळतो. प्रसिद्ध गायक अरिजित सिंग याने हे गाणं गायलं आहे. युट्यूबवर गाण्याला चांगली पसंती देखील मिळत आहे. त्यामुळे अरिजित सिंगच्या हिट गाण्यांच्या लिस्टमध्ये हे गाणं देखील समाविष्ट होईल असा अंदाज गाण्याला मिळणाऱया पसंतीनुसार नक्कीच बांधता येईल. 'एअरलिफ्ट' हा चित्रपट जानेवारीत प्रदर्शित होणार असून, चित्रपटात अक्षय कुमार कुवेतस्थित भारतीय उद्योजकाची भूमिका साकारत आहे. चित्रपट ९० च्या दशकात घेऊन जाणारा असून नामवंत उद्योजक असूनही कुवेतमध्ये त्यावेळी निर्माण झालेले युद्ध प्रसंग, तेथील भारतीयांची झालेली ससेहोलपट आणि त्यांना सुखरूप मायदेशी आणण्यासाठी भारताने केलेले प्रयत्न याचा थरार चित्रपटातून अनुभवता येणार आहे.
