कोणतंही काम लहान किंवा मोठं नसतं. काम हे काम असतं ,अभिनेत्री दिशा पटानीनं आपल्या कृतीतून दाखवून दिलं आहे. सध्या दिशा 'भारत' चित्रपटाच्या चित्रिकरणात व्यग्र आहे. बॉलिवूडमध्ये गेल्या काही वर्षांपासून आपली ओळख निर्माण करण्यासाठी धडपडणाऱ्या दिशाला सलमानसोबत आणि अली अब्बास जफारसोबत काम करण्याची मोठी संधी चालून आली आहे त्यामुळे फार वेळ न दवडता तिने लगेचच होकार दिला. मात्र दिशाच्या वाट्याला आलेली भूमिका लहानच आहे. पण, चित्रपटाची कथा ऐकून तिनं होकार भरला असं अली अब्बास जफार यांनी म्हटलं आहे. दिशा लहान भूमिकेसाठीही फार मेहनत घेत आहे. तिनं चित्रपटला होकारदेण्याआधी मी तिला चित्रपटाची कथा ऐकवली. मात्र भूमिकेबद्दल फार विचार न करता केवळ कथा ऐकून तिनं होकार दिला असं सांगात अली अब्बास जफार यांनी तिचं कौतुक केलं आहे. गेल्या वर्षभरात ऐश्वर्यासह अनेक अभिनेत्री चित्रपटातील आपल्या भूमिकेचा विचार न करता केवळ कथा पाहून चित्रपटाला होकार देत आहेत. नुकतंच ऐश्वर्यानंही एका मुलाखतीत याबद्दल आपलं मत मांडलं होतं. चित्रपटाची कथा उत्तम असेल तर चित्रपटात लहानही भूमिकाही करायला माझी काही हरकत नाही असं ती म्हणाली होती.
