अभिनेता रणवीर सिंग आणि अभिनेत्री आलिया भट्ट स्टारर गली बॉय हा चित्रपट लवकरच प्रेक्षकांच्या भेटीला येणार आहे. या चित्रपटामधून रॅपर्सच्या दुनियेत नावलौकिक मिळविणाऱ्या डिवाईन म्हणजे विवियन फर्नांडिस आणि रॅपर नॅझी म्हणजेच नावेद शेख यांच्या आयुष्यातील काही महत्वाच्या घटनांवर प्रकाश टाकण्यात येणार आहे. नुकताच या चित्रपटाचा प्रोमो प्रदर्शित झाला आहे. अभिनेत्री आलिया भट्टने सोशल मीडियावर हा प्रोमो शेअर केला आहे. सध्या या प्रोमोमधील आलिया आणि रणवीरचे संवाद चांगले गाजत आहेत. प्रदर्शित झालेल्या व्हिडिओमधून या दोघांची केमिस्ट्री चांगलीच दिसून येत आहे. View this post on Instagram Tu reply kyu kiya???? #ApniAlbina #GullyBoy A post shared by Alia (@aliaabhatt) on Feb 3, 2019 at 10:43pm PST या चित्रपटामध्ये आलिया एका मेडिकल स्टुडंटची भूमिका वठवत आहे. तर रणवीर पहिल्यांदाच एका रॅपरच्या भूमिकेत झळकणार आहे. विशेष म्हणजे रणवीर आणि आलियासोबतच मराठमोळी अभिनेत्री अमृता सुभाषदेखील झळकणार आहे. या चित्रपटात अमृता रणवीरच्या आईच्या भूमिकेत आहे. झोया अख्तर दिग्दर्शित हा चित्रपट १४ फेब्रुवारीला प्रेक्षकांच्या भेटीला येणार आहे.
