गेल्या वर्षी अभिनेत्री आलिया भट्टच्या राजी या चित्रपटाने बॉक्स ऑफिसवर बक्कळ कमाई केली. राजीच्या यशानंतर आलिया आगामी ब्रह्मास्त्र चित्रपटाकडे वळली आहे. हा चित्रपट लवकरच प्रदर्शित होणार असून या चित्रपटामध्ये आलियाबरोबर अभिनेता आमिताभ बच्चन आणि रणबीर कपूरदेखील झळकणार आहे. काही दिवसापूर्वी चित्रपटाच्या सेटवर बिग बी आणि रणबीरने एक फोटो काढला. हा फोटो अमिताभ यांनी सोशल मीडियावर शेअर करुन रणबीरचे आभार मानले आहेत. अमिताभ यांनी इन्स्टाग्रामवर एक फोटो शेअर केला असून या फोटोमध्ये त्यांच्यासोबत रणबीर कपूर झळकला आहे. या फोटोमध्ये दोघही कूल आणि हटके अंदाजात दिसत आहे. विशेष म्हणजे हा फोटो शेअर करत बिग बीं भावूक झाले असून त्यांनी याच स्वरुपाचं त्याला कॅप्शन दिलं आहे. विशेश म्हणजे ते या भेटीला 'अमृतभेट' म्हणाले आहेत. View this post on Instagram Thank you Ranbir Kapoor for giving me the elixir of LIFE ! Still buzzing Buddy Ranbir Kapoor .. संसार का जीवन रूपी अमृत भेंट , जो आज आपने मुझे दिया , इसके लिए हृदय से आभार । अभी तक शरीर उत्तेजित , उत्कृष्ट ओर उजागर बना हुआ है । A post shared by Amitabh Bachchan (@amitabhbachchan) on Jan 30, 2019 at 1:18pm PST 'आज हा फोटो पाहुन मला फार बरं वाटतं. माझ्या आयुष्यातली ही सर्वात मोठी भेट आहे. तुझे मनापासून आभार. आजही मी वयामध्ये शारीरिकदृष्ट्या तंदुरुस्त आहे, याची जाणीव मला या फोटोकडे पाहुन होते', अशा आशयाचं कॅप्शन बिग बी यांनी या फोटोला दिलं आहे. दरम्यान, अमिताभ बच्चन यांनी यापूर्वीही अभिनेता आयुष्मान खुराना आणि राजकुमार राव यांची कौतुकाने पाठ थोपटली आहे. सध्या अमिताभ बच्चन 'ब्रह्मास्त्र'मध्ये व्यस्त असून या चित्रपटाव्यतिरिक्त ते 'झुंड' या चित्रपटातही झळकणार आहेत.