मागील वर्षी प्रदर्शित झालेल्या 'सप्तपदी' या गुजराथी चित्रपटाचे अमिताभ बच्चन सह-निर्मिता होते. आता अमिताभ बच्चन स्वत: काम करत असलेल्या हिंदी चित्रपटांचेदेखील सह-निर्मिता असणार आहेत. मिळालेल्या माहितीनुसार आर. बाल्की दिग्दर्शन करीत असलेल्या आगामी चित्रपटाचे अमिताभ बच्चन सह-निर्माता आहेत, ज्यामध्ये धनुष आणि कमल हसनची मुलगी अक्षरा यांच्यासुद्धा भूमिका आहेत. लवकरच अनुराग कश्यपच्या टीव्ही मालिकेत दिसणारे अमिताभ बच्चन यांनी दूरचित्रवाणीकडे आपला मोर्चा वळविला असून, या मालिकेचे ते सह-निर्माता असणार आहेत. या कामात त्यांची पत्नी जया बच्चनदेखील त्यांना सहाय्य करणार असल्याचे त्यांनी सांगितले. 'भूतनाथ रिटर्न्स' नंतर अमिताभ बच्चन मनोरंजन क्षेत्रातील अनेक योजना राबविणार आहेत ज्यात दूरचित्रवाणी आणि चित्रपटांचा समावेश आहे.
