बॉलिवूडचे महानायक अमिताभ बच्चन सोशल मीडियावर प्रचंड सक्रिय असतात. ऑनलाईन ब्लॉग्स, फोटो, व्हिडीओज, ट्विट यांच्या माध्यमातून ते कायम चर्चेत असतात. मात्र यावेळी अमिताभ एका कारमुळे चर्चेत आहेत. बिग बींनी एक नवी कोरी ‘मर्सिडिज-बेन्झ’ कार खरेदी केली आहे. परंतु कोट्यवधी रुपयांच्या या लक्झरी कारमुळे बिग बींना ट्रोल केलं जात आहे. जर इतके पैसे आहेत तर गरीबांची मदत करा असं म्हणत नेटकऱ्यांनी आपला राग व्यक्त केला आहे. View this post on Instagram Now before you guys start pelting stones at me for all the numerology posts that I have been inventing. yeh wala bhi sahen kar lo. Amitabh Bachchan allegedly prefers the number two for all his cars. Big B’s birthday falls on October 11 and the total adds up to two, hence the star prefers this number for each of his car. But today he took delivery of his new S class Merc and the number adds up to 11 which is his birthday date. #amitabhbachchan #viralbhayani @viralbhayani A post shared by Viral Bhayani (@viralbhayani) on Sep 1, 2020 at 5:04am PDT अमिताभ बच्चन यांच्या नव्या कारचे फोटो सध्या सोशल मीडियावर जारदार व्हायरल होत आहेत. या फोटोंमध्ये बिग बी हातात गाडीची चावी घेऊन उभे आहेत. मात्र हे फोटो काही नेटकऱ्यांना आवडले नाही. संपूर्ण देश सध्या करोना विषाणूमुळे त्रस्त आहे. लॉकडाउनमुळे लोक बेरोजगार झाले आहेत. देशभरातील अनेक लोक आज एक वेळच्या अन्नासाठी संघर्ष करत आहेत. अशा प्रतिकूल परिस्थितीत बिग बींनी गरीबांना मदत करण्याऐवजी कार खरेदी केली, अशी टीका त्यांच्यावर सोशल मीडियाद्वारे केली जात आहे. दरम्यान एका नेटकऱ्याने त्यांची तुलना अभिनेता सोनू सूदशी देखील केली आहे. "एके ठिकाणी सोनू सूद मजुरांना मदत करतोय तर दुसऱ्या ठिकाणी अमिताभ कार खरेदी करुन पैसे उधळत आहेत." अशी टीका त्या नेटकऱ्याने केली आहे.
