22 January 2021

News Flash

नमस्ते देवियो और सज्जनो… ‘गुगल मॅप’वर आता अमिताभ सांगणार रस्ता

गुगलने साधला अमिताभ बच्चन यांच्याशी संपर्क

बॉलिवूडचे महानायक अमिताभ बच्चन सोशल मीडियावर प्रचंड सक्रिय असतात. ऑनलाईन ब्लॉग्स, फोटो, व्हिडीओ, ट्विट्स यांच्या माध्यमातून ते कायम चर्चेत असतात. यावेळी बिग बी चक्क गुगल मॅपमुळे चर्चेत आहेत. अमिताभ आता गुगल मॅपच्या मदतीने नेटकऱ्यांना पत्ता शोधायला मदत करणार आहेत.

मिड डेने दिलेल्या वृत्तानुसार गुगल मॅपवर आता अमिताभ बच्चन यांचा आवाज ऐकू येणार आहे. गुगल सध्या ऑडिओ फॉर्ममध्ये पत्ता सांगणाऱ्या अॅप्लिकेशनवर काम करत आहे. या अॅप्लिकेशनमध्ये आर्टिफिशियल इंटेलिजन्स म्हणजेच कृत्रिम बुद्धिमत्तेवर चालणारे सॉफ्टवेअर असेल. या सॉफ्टवेअरच्या ऑडिओ फॉर्मला अमिताभ यांचा आवाज दिला जाणार आहे. या नव्या प्रकल्पावरुन बिग बी आणि गुगल यांच्यामध्ये सध्या चर्चा सुरु आहे. तसेच गुगलने त्यांच्या आवाजासाठी कोट्यवधींचे मानधन देऊ केल्याचेही म्हटले जात आहे.

अमिताभ बच्चन आपल्या जबरदस्त अभिनयासाठी ओळखले जातात. अभिनयासोबतच त्यांचा आवाजही तितकाच लोकप्रिय आहे. आजवर अनेक चित्रपट, मालिका, जाहिरातींमध्ये बिग बींच्या आवाजाचा वापर करण्यात आला आहे. अनेक स्टँडअप कॉमेडियन त्यांच्या आवाजाची नक्कल करुन विनोद करतात. त्यामुळे इतका लोकप्रिय आणि देशवासीयांना ओळखीचा असलेला आवाज गुगलने वापरण्याचा निर्णय घेतला आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 10, 2020 8:02 pm

Web Title: amitabh bachchan voice on google maps mppg 94
Next Stories
1 दिवाळीमध्ये सलमान आणि अक्षय येणार आमने सामने
2 हॉस्पिटलचे वाढते बिल पाहून घरी परतला अभिनेता
3 भारतात सर्वजनिक ठिकाणी किस करण्याच्या प्रश्नावर ऐश्वर्या म्हणाली..
Just Now!
X