आयान मुखर्जी दिग्दर्शित 'ब्रह्मास्त्र' या चित्रपटाचं सध्या ब्लगेरियामध्ये चित्रीकरण सुरु आहे. या चित्रपटामध्ये अभिनेता अमिताभ बच्चन आणि रणबीर कपूर एकत्र झळकणार आहेत. त्यामुळे हा चित्रपट नक्कीच बॉक्स ऑफिसवर बक्कळ कमाई करेल असेल दिसून येतंय. विशेष म्हणजे चित्रीकरणातून वेळ काढत चित्रपटाची संपूर्ण टीम मज्जा-मस्ती करतानाही दिसत आहे. काही दिवसापूर्वी बिग बींनी संपूर्ण टीमसाठी सेटवरच वडापावची सोय केली होती. तर आता चक्क बिग बी आणि रणबीर मुव्ही डेटवर गेल्याचं समोर आलं आहे. सध्या या दोघांच्या मुव्ही डेटचा फोटो प्रचंड व्हायरल होत असून ते फुल ऑन एन्जॉय करताना दिसत आहेत. बिग बी वयाच्या ७५ वयाचे असूनही ते एखाद्या तरुणाप्रमाणे वावरताना दिसतात. हॉलिवूड अभिनेता टॉम क्रुझ याचा 'मिशन इम्पॉसिबल फॉलआऊट' हा चित्रपट नुकताच प्रदर्शित झाला आहे. हा चित्रपट पाहण्यासाठी बॉलिवूडचे हे दोन्ही कलाकार थेट मल्टीप्लेक्समध्ये पोहोचले. At the movies .. Ranbir and I for IMPOSSIBLE Mr Tom Cruise A post shared by Amitabh Bachchan (@amitabhbachchan) on Aug 1, 2018 at 4:34pm PDT दरम्यान, यावेळी अमिताभ यांनी रणबीरबरोबरचा फोटोही शेअर केला आहे. विशेष म्हणजे 'ब्रह्मास्त्र'मध्ये रणबीर, बिग बीं बरोबर आलिया भटही झळकणार असून आलियाचा बिग बींसह पहिल्यांदाच स्क्रिन शेअर करणार आहे.
