01 March 2021

News Flash

‘अ‍ॅव्हेंजर्स : इन्फिनिटी वॉर’ पाहताना कामगाराचा मृत्यू

कामगार दिनानिमित्त जिल्ह्यातील सिनेमागृहात कामगारांसाठी  तिकिटांमध्ये विशेष सूट देण्यात आली होती. याअंतर्गतच पी. बाशा ‘अ‍ॅव्हेंजर्स : इन्फिनिटी वॉर’ हा थ्री डी चित्रपट बघण्यासाठी गेला.

प्रतिकात्मक छायाचित्र

‘अ‍ॅव्हेंजर्स : इन्फिनिटी वॉर’ हा चित्रपट पाहताना ४३ वर्षांच्या कामगाराचा मृत्यू झाल्याची घटना आंध्रप्रदेशमधील कडपा जिल्ह्यात घडली. पी. बाशा असे या मृत्यू झालेल्या इसमाचे नाव असून तो एका बांधकाम साईटवर मजूर म्हणून काम करायचा.

कामगार दिनानिमित्त जिल्ह्यातील सिनेमागृहात कामगारांसाठी  तिकिटांमध्ये विशेष सूट देण्यात आली होती. पी. बाशानेही या संधीचा लाभ घेण्याचे ठरवले आणि तो ‘अ‍ॅव्हेंजर्स : इन्फिनिटी वॉर’ हा थ्री डी चित्रपट बघण्यासाठी गेला. चित्रपट संपल्यावरही बाशा खुर्चीवर बसून होता. काही वेळाने तो जागेवरुन उठेल, असे सिनेमागृहातील कर्मचाऱ्यांना वाटले. बाकीचे प्रेक्षक निघून गेल्यावर अखेर एक कर्मचारी बाशाजवळ गेला. त्याने बाशाला उठवण्याचा प्रयत्न केला, मात्र त्याने प्रतिसाद दिला नाही. कर्मचाऱ्याने बाशाच्या डोळ्यावरील थ्री डी चष्मा काढताच त्याचा मृत्यू झाल्याचे स्पष्ट झाले. कर्मचाऱ्यांनी तातडीने या घटनेची माहिती पोलिसांना दिली. पी. बाशाचा ह्रदयविकाराच्या झटक्याने मृत्यू झाल्याचा प्राथमिक अंदाज पोलिसांनी वर्तवला आहे. शवविच्छेदन अहवालावरुनच मृत्यूचे नेमके कारण स्पष्ट होईल, असे पोलिसांनी स्पष्ट केले. या प्रकरणी पोलिसांनी आकस्मिक मृत्यूची नोंद करत तपासाला सुरुवात केली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 2, 2018 9:27 am

Web Title: andhra pradesh 43 year old worker dies while watching avengers infinity war in kadapa district
Next Stories
1 कर्नाटक विधानसभा निवडणूक: ‘पंतप्रधान मोदी मंचावरून बोलत होते, तेव्हा लोक हसत होते’
2 राजकीय ब्रह्मास्त्र : ‘ओबीसी’ना आरक्षण देण्यासाठी करणार ‘ही’ युक्ती
3 सुप्रीम कोर्टाच्या आदेशानंतर बेकायदा बांधकामांवर कारवाई करण्यासाठी गेलेल्या महिला अधिकाऱ्याची हत्या
Just Now!
X