छोट्या पडद्यावरील अतिशय लोकप्रिय शो म्हणजे ‘द कपिल शर्मा शो.’ या शोचा सूत्रसंचालक कपिल शर्मा आणि त्याची संपूर्ण टीम प्रेक्षकांचे भरभरुन मनोरंजन करताना दिसते. तसेच शोमध्ये चित्रपटांचे प्रमोशन करण्यासाठी हजेरी लावणारे कलाकार शो आणखी रंजक करतात. नुकताच कपिल शर्मा शोमध्ये अभिनेते अनिल कपूर यांनी हजेरी लावली होती. दरम्यान त्यांनी एक अजब इच्छा व्यक्त केली आहे.

अनिल कपूर शोमध्ये कपिल शर्मासोबत गप्पा मारत असतात. तितक्यात ते अजब इच्छा व्यक्त करतात. मला अक्षय कुमारचे बँक खाते तर अमिताभ याच्या कपाटातील कपडे देखील चोरायचे आहेत असे अनिल कपूर म्हणातात. पुढे त्यांनी मलंग चित्रपटाच्या चित्रीकरणा वेळी अभिनेत्री दिशा पटाणीचा डायट प्लॅन चोरला असल्याचे सांगितले आहे. अनिल कपूर यांचे बोलणे ऐकून सर्वांना हसू अनावर होते.

काही दिवसांपूर्वी अनिल कपूर यांचा AK Vs AK हा चित्रपट प्रदर्शित झाला. या चित्रपटात दिग्दर्शक अनुराग कश्यप देखील आहे. हा चित्रपट २४ डिसेंबर रोजी नेटफ्लिक्सवर प्रदर्शित झाला होता. हा चित्रपट प्रेक्षकांच्या पसंतीला उतरल्याचे पाहायला मिळाले.