मराठीचा सुपरस्टार अंकुश चौधरीची प्रमुख भूमिका असलेल्या आगामी 'देवा' या सिनेमाची चर्चा सध्या सर्वत्र सुरु आहे. प्रसिद्धीसाठी वापरल्या जाणा-या हटके कल्पनांमुळे 'देवा' लोकांच्या पसंतीस पडत असून, हा सिनेमा कोकण पर्यटनाला चालना देणारा ठरणार आहे. इनोव्हेटिव्ह फिल्म्स आणि प्रमोद फिल्म यांची निर्मिती असलेल्या या सिनेमाचे सर्वाधिक चित्रीकरण हे कोकणातले आहे. या सिनेमाचा ट्रेलर, टीझर तसेच गाण्यांमधूनसुद्धा कोकणपट्ट्यातील निसर्गसौंदर्य दिसून येत असल्यामुळे, महाराष्ट्राच्या कुशीत वसलेल्या कोकणची सफरच जणू या सिनेमाद्वारे आपणास करता येणार आहे. वाचा : बाळासाहेब ठाकरेंच्या भूमिकेत झळकणार 'हा' हरहुन्नरी अभिनेता? मुरली नलप्पा दिग्दर्शित, 'देवा' या सिनेमाचे कोकणातील कुडाळ, सावंतवाडी, नेरूळगाव, अंबाघाट, वालवा आणि चिपी मालवण ब्रिज अश्या ठिकाणी चित्रीकरण करण्यात आले असून, या ठिकाणांबरोबरच, कोकणी लोककला, भाषा- संस्कृती तसेच खाद्यपदार्थांचा आस्वाददेखील या सिनेमाद्वारे घेता येणार आहे. विशेष म्हणजे, या सिनेमातून बालाडान्स, दशावतार आणि नमन या लोककलादेखील लोकांसमोर सादर केल्या जाणार आहेत. त्यामुळे कोकणाची इत्यंभूत माहिती संक्षिप्त रुपात 'देवा' सिनेमाद्वारे कोकणप्रेमींना मिळवता येऊ शकेल. या सिनेमाविषयी निर्माते प्रतिक चक्रवर्ती म्हणाले की, 'आपण देश-विदेशात जाऊन सिनेमाचे चित्रीकरण करतो. मुळात आपल्या महाराष्ट्रातच निसर्ग सौंदर्याने नटलेली अनेक ठिकाण आहेत. जी विदेशातील निसर्ग सौंदर्याशी मिळती जुळती आहेत. त्यामुळे एकदा तरी कोकणात येऊन बघा, चित्रीकरणासाठी चांगले दृश्य येथे लाभतील'. सेलिब्रिटी लेखक वाचा : या माध्यमाची ताकद समजून घ्या लोकांच्या आयुष्यात सुखाचे रंग भरण्यास येत असलेल्या 'देवा' चा हा अतरंगीपणा तमाम कोकणप्रेमींसाठी एक सुखद धक्का असून, या सिनेमाच्या निमित्ताने कोकणी पर्यटनाला अधिक चालना मिळाली तर नवल वाटायची काहीच गरज नाही.
