छोट्या पडद्यावरील अतिशय लोकप्रिय मालिका 'अनुपमा'मध्ये काम करणारा अभिनेता पारस कलनावतचे वडिल भूषण कलनावत यांचे निधन झाले आहे. कार्डिअॅक अरेस्टने त्यांचे निधन झाल्याचे समोर आले आहे. 'आजतक'ने दिलेल्या वृत्तानुसार, पारस त्याच्या मालिकेच्या चित्रीकरणामध्ये व्यग्र होता. दरम्यान सेटवर चित्रीकरण सुरु असताना पारसच्या आईचा फोन आला. त्यांना बोलताही येत नव्हते. आईचा आवज ऐकून पारस सेटवरुन बाइक घेऊन तातडीने घरी गेला. त्याच्या पाठोपाठ मालिकेत त्याच्या आईची अनुपमाची भूमिका साकारणारी अभिनेत्री रुपा गांगुली आण सुधांशू पांडे पारसच्या घरी पोहोचले. View this post on Instagram A post shared by PARAS BHUSHAN KALNAWAT (@paras_kalnawat) शनिवारी दुपारी दोनच्या सुमारास पारसला त्याच्या आईने फोन केला होता. त्या फोनवर रडत होत्या. पारसचे वडील लिफ्टमध्ये अचानक चक्कर येऊन पडले. त्यानंतर त्यांना हॉस्पिटलमध्ये नेण्यात आले. परंतु पारस पोहोचण्यापूर्वीच त्याच्या वडिलांचे निधन झाले. अनुपमा मालिकेती क्रू मेंबर्स आणि काही कलाकार हॉस्पिटलमध्ये पोहोचले होते. काही दिवसांपूर्वी पारसला करोनाचा संसर्ग झाला होता. करोनावर मात केल्यानंतर त्याने पुन्हा मालिकेच्या चित्रीकरणास सुरुवात केली. पारसने वडिलांना देखील करोनाचा संसर्ग झाल्याचे सांगितले होते. पण नंतर त्यांची देखील करोना चाचणी निगेटीव्ह आली होती.