बॉलिवूड अभिनेत्री भूमी पेडणेकर सोशल मीडियावर प्रचंड सक्रिय असते. सोशल मीडियावर व्हायरल होणाऱ्या फोटो आणि व्हिडीओजच्या माध्यमातून ती कायम चर्चेत असते. मात्र यावेळी ती चक्क शाकाहारी आहारामुळे चर्चेत आहे. होय, भूमीने आता यापूढे कधीही मांसाहार न करण्याचा निर्णय घेतला आहे. ती आता पूर्णत: शुद्ध शाकाहारी झाली आहे. अवश्य पाहा - 'रामायणात १४ वर्षांचा वनवास होतो अन् करोनात.'; अभिनेत्रीने मानले BMC चे आभार भूमीने एका इन्स्टापोस्टच्या माध्यमातून शाकाहारी होण्याचं कारण सांगितलं. "आता यापुढे कधीही मी मांसाहारी पदार्थांचं सेवन करणार नाही. खर तर गेल्या अनेक वर्षांपासून मी पूर्णत: शाकाहारी होण्याचे प्रयत्न करत होते. पण सवयीवर नियंत्रण मिळवणं खूप कठीण असतं. तसं पाहिलं तर मांसाहार खाण्यासाठी मी फारशी उत्साही नसते पण लॉकडाउनमुळे आता आता मला शाकाहाराची सवयच झाली. गेले ६ महिने मी मांसाहारी पदार्थांचं सेवन केलेलं नाही." अशा आशयाची पोस्ट भूमीने केली आहे. अवश्य पाहा - बॉलिवूड अभिनेता देतोय मृत्यूशी झुंज; पूजा भट्टने देशवासीयांना केली मदतीची विनंती View this post on Instagram #FoodForThought A post shared by Bhumi (@bhumipednekar) on Oct 13, 2020 at 10:29pm PDT भूमी पेडणेकरने घेतलेला हा नवा निर्णय सध्या सोशल मीडियावर सर्वांचेच लक्ष वेधून घेत आहे. अभिनेत्री अनुष्का शर्माने देखील तिच्या या निर्णयाचं कौतुक केलं आहे. काही महिन्यांपूर्वी अनुष्काने देखील पूर्णत: शाकाहारी होण्याचा निर्णय घेतला होता. या पार्श्वभूमीवर तुझं शाकाहारी क्लब मध्ये स्वागत आहे असं म्हणत तिच्या निर्णयावर अनुष्काने आनंद व्यक्त केला आहे.