28 September 2020

News Flash

मादाम तुसाँ संग्रहालयात अनुष्काचा बोलका पुतळा

अशा प्रकारचा बोलका पुतळा सिंगापूरच्या संग्रहालयात असणारी अनुष्का ही भारतातील पहिली सेलिब्रिटी आहे.

अनुष्का शर्मा

मादाम तुसाँ संग्रहालयातील बॉलिवूड विभाग जगभरात प्रचंड लोकप्रिय आहे. या विभागात कोणत्या बॉलिवूड कलाकाराची वर्णी लागणार याबद्दल लोकांना उत्सुकता असतेच पण, कलाकारही त्या संधीची वाट पहात असतात. सिंगापूरमधील मादाम तुसाँ संग्रहालयात अभिनेत्री अनुष्का शर्माचा मेणाचा पुतळा उभारण्यात येणार आहे. विशेष म्हणजे हा पुतळा चाहत्यांसोबत गप्पाही मारणार आहे. तुम्हीही झालात ना थक्क? अनुष्काचा हा पुतळा बोलका असणार आहे आणि अशा प्रकारचा पुतळा सिंगापूरच्या संग्रहालयात असणारी अनुष्का ही भारतातील पहिली सेलिब्रिटी आहे.

मादाम तुसाँ संग्रहालयात मोजक्याच लोकांच्या पुतळ्यावर इंटरॅक्टिव्ह फीचरचा प्रयोग केला जातो. फुटबॉलपटू रोनाल्डो, ओपरा विन्फ्रे आणि लुईस हॅमिल्टन यांसारख्या आंतरराष्ट्रीय सेलिब्रिटींसोबत आता अनुष्का शर्माचा बोलका मेणाचा पुतळा या संग्रहालयात असणार आहे.

वाचा : ‘दंगल’ गर्ल फातिमा सना शेख या सह-कलाकाराला करतेय डेट?

अनुष्काच्या या पुतळ्यासोबत चाहते सेल्फीसुद्धा काढू शकणार आहेत. अनुष्काच्या हातात फोन असलेला हा पुतळा असून जेव्हा तो फोन उचलला जाणार तेव्हा तिचा आवाज ऐकू येणार आहे. या संग्रहालयाची टीम लवकरच पुतळ्यासाठी मोजमाप घेणे, पोज ठरवणे अशा तांत्रिक गोष्टी टिपून घेण्यासाठी अनुष्काशी संपर्क साधणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 11, 2018 6:27 pm

Web Title: anushka sharma gets a talking statue at madame tussauds singapore first indian to get the honour
Next Stories
1 ‘मोहब्बत’मध्ये या आंतरराष्ट्रीय नृत्यदिग्दर्शकाच्या स्टेप्सवर थिरकली ऐश्वर्या!
2 ‘संजू’मुळे दहशतवाद्यांनाही भरली धडकी, कारण…
3 ‘दंगल’ गर्ल फातिमा सना शेख या सह-कलाकाराला करतेय डेट?
Just Now!
X