News Flash

IPL स्थगित झाल्यानंतर करोना रुग्णांसाठी ‘विरुष्का’चा पुढाकार; निधी गोळा करण्यासाठी पोस्ट केला व्हिडिओ

'आपल्या लोकांच्या समस्या...' विराट अनुष्काचा व्हिडीओ व्हायरल

बॉलिवूड अभिनेत्री अनुष्का शर्मा आणि क्रिकेटपटू विराट कोहली करोना व्हायरसशी लढा देण्यासाठी अनेकांच्या मदतीला धावून आले आहेत. गरजूंना मदत करण्यासाठी ते निधी गोळा करण्याचा प्रयत्न करत आहेत. आयपीएल २०२१ला करोना व्हायरसमुळे स्थगित केल्यानंतर आता विराट गरजूंना मदत करण्यासाठी सरसावला आहे. अनुष्का आणि विराटने याबाबत सोशल मीडिया पोस्टद्वारे माहिती दिली आहे.

अनुष्काने ट्वीटर अकाऊंटवर पती विराट कोहलीसोबतचा एक व्हिडीओ शेअर केला आहे. हा व्हिडीओ शेअर करत तिने, ‘करोनाच्या दुसऱ्या लाटेशी आपला देश लढा देत आहे. आपल्या आरोग्य यंत्रणेला अनेक आव्हानांचा सामना करावा लागत आहे. आपल्या लोकांच्या समस्या पाहून मला दु:ख झाले. त्यामुळे गरजूंना मदत करण्यासाठी मी आणि विराटने #InThisTogether ही मोहिम सुरु केली आहे’ या आशयाचे कॅप्शन दिले आहे.

आणखी वाचा: ‘अब तो आदत सी हो गयी है ऐसे जीने की’, आयपीएल स्थगित केल्याने मीम्सचा पाऊस

करोनाच्या दुसऱ्या लाटेमुळे देशात हाहाकार उडाला आहे. फेब्रुवारीमध्ये डोकं वर काढलेल्या करोनाच्या दुसऱ्या लाटेनं अवघ्या तीन महिन्यातच देशाला विध्वंसक परिस्थितीत ढकललं आहे. दररोज लाखो लोक करोनाच्या तडाख्यात सापडत असून, अनेक कुटुंबं उघड्यावर आली आहेत. भयावह गोष्ट म्हणजे दुसऱ्या लाटेत मृतांचा आकडा प्रचंड वेगाने वाढला असून, फक्त एप्रिल महिन्याच्या ३० दिवसांत देशात ४५,००० नागरिकांचा मृत्यू झाला आहे. अशातच आता विराट कोहली आणि अनुष्का शर्मा अनेकांच्या मदतीला धावून आले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 7, 2021 12:44 pm

Web Title: anushka sharma virat kohli initiates a campaign to raise funds for covid 19 relief avb 95
Next Stories
1 हिमालयातल्या मोदीबाबांना देशातल्या ऑक्सिजनचं महत्त्व ते काय? – राम गोपाल वर्मा
2 “राजकारण्यांमुळे आपल्याला ऑक्सिजन आणि बेड्ससाठी भटकावे लागते”, सुनील शेट्टी संतापला
3 “अति नका करू….!” ; गायक अरिजीत सिंहने शेअर केला मेसेज
Just Now!
X