मी शाहरुख खानचा मुलगा नाही.. हे वाचून जरा आश्चर्य वाटलं ना. एवढ्या मोठ्या अभिनेत्याचा मुलगा असं काही बोलतो म्हटल्यावर आश्चर्य वाटणारच. याबाबतचा खुलासा नुकताच स्वतः शाहरुखने केला. शाहरुख त्याच्या फॅन चित्रपटाची प्रसिद्ध करत होता. त्यावेळी त्याने आर्यनबद्दल काही गोष्टी सांगितल्या. तो म्हणाला की, आर्यनला कधीही सार्वजनिक स्थळी विचारलं गेल की, तू शाहरुखचा मुलगा आहेस ना? त्यावर तो नाही असंच उत्तर देतो. त्यामुळे त्याला मित्रांसोबत सर्वसामान्य मुलांप्रमाणे वागता येतं आणि लोकही त्याच्याकडे अधिक लक्ष देत नाहीत. आपण एक स्टारकिड आहोत म्हणून आपल्याला लोकांनी विशेष वागणूक दिलेली आर्यनला आवडत नाही. त्याच हे वागणं अगदी योग्य आहे, असं आम्हाला वाटतं. आपल्या मुलांच्या वैयक्तिक आयुष्याचा आदर करणेही गरजेचे असते. त्यामुळेच त्याला मी परदेशात शिकायला पाठविले. जेणेकरून एक सर्वसामान्य मूल म्हणून त्याला तिथे वागणूक मिळेल.
