News Flash

‘आश्रम-चॅप्टर-2- द डार्क साइड’ वादाच्या भोवऱ्यात; करणी सेनेची प्रकाश झा यांना कायदेशीर नोटीस

‘आश्रम-चॅप्टर-2- द डार्क साइड’वर प्रदर्शनापूर्वीच वादात

अभिनेता बॉबी देओल याची आगामी ‘आश्रम 2’ ही वेब सीरिज प्रदर्शनापूर्वीच वादाच्या भोवऱ्यात सापडली आहे. करणी सेनेने प्रकाश झा यांना कायदेशीर नोटीस पाठवली आहे. धार्मिक भावना दुखावल्याप्रकरणी ही नोटीस बजावण्यात आल्याचं या नोटीशीमध्ये नमूद करण्यात आलं आहे. ‘आश्रम’ या वेब सीरिजच्या माध्यमातून बॉबी देओलने डिजिटल विश्वात पदार्पण केलं असून त्याची ‘आश्रम 2’ ही नवीन सीरिज लवकरच प्रेक्षकांच्या भेटीला येणार आहे.

‘हिंदुस्तान टाइम्स’नुसार, करणी सेनेच्या राज्य संघटनेचे सरचिटणीस सुरजित सिंह यांनी प्रकाश झा यांना ही कायदेशीर नोटीस पाठवली आहे. तसंच प्रकाश झा यांच्यासोबत ‘एमएक्स प्लेअर’ या ओटीटी प्लॅटफॉर्मलादेखील नोटीस बजावली आहे. आश्रम या वेब सीरिजमधून धार्मिक परंपरा, प्राचीन सांस्कृतिक परंपरा आणि आश्रम धर्म यांच्याविषयी चुकीचा समज परसविला जात असल्याचं करणी सेनेने त्यांच्या कायदेशीर नोटीसमध्ये म्हटलं आहे.

पाहा फोटो >> PHOTOS: ‘आश्रम’ वेब सीरिजमधला छाप सोडणारा चेहरा त्रिधा चौधरी

दरम्यान, अलिकेड ‘आश्रम-चॅप्टर-2- द डार्क साइड’ या वेब सीरिजचा ट्रेलर प्रदर्शित झाला. यात ट्रेलरमध्ये हिंदू चालीरिती आणि आश्रम व्यवस्थेविषयी भाष्य करण्यात आलं होतं. ‘आश्रम’ या वेब सीरीजमध्ये बॉबी देओल व्यतिरिक्त अदिती पोहनकर, चंदन रॉय सान्याल, दर्शन कुमार, अनुप्रिया गोयंका, अध्ययन सुमन हे कलाकार महत्त्वपूर्ण भूमिकेत झळकणार आहेत. ही सीरिज येत्या ११ नोव्हेंबर रोजी प्रेक्षकांच्या भेटीला येणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 7, 2020 8:57 am

Web Title: ashram web series controversy karni sena sent legal notice to prakash jha ssj 93
Next Stories
1 न्यूड फोटोशूटप्रकरणी मिलिंद सोमणविरोधात तक्रार दाखल
2 VIDEO: “मी देशवासीयांना प्रेरित करणार”; बॉलिवूड अभिनेत्यानं करोनावर लिहिलं पुस्तक
3 शाहरुखच्या चित्रपटात सलमानची एण्ट्री; नव्या अ‍ॅक्शनपटात करणार स्क्रीन शेअर
Just Now!
X