संगीतकार आणि रॅपर बाबा सेहगलने त्याच्या ट्विटर खात्यावरून एक नवा म्यूझिक व्हिडिओ ट्विट केला आहे. धमाल-मस्ती स्वरुपातला हा व्हिडिओ आहे. ज्याचे बोल स्वत: बाबा सेहगलनेच लिहिले असून गाण्याचे कंपोजीशनदेखील बाबानेच केले आहे. व्हिडिओमध्ये बाबा अधून-मधून रॅप करतानादेखील नजरेस पडतो. १९९० मध्ये संगीतक्षेत्रात कारकिर्द सुरू केलेला बाबा इलेक्ट्रॉनिक इंजिनीयर असून, 'मिस ४२०' आणि 'माय फ्रेण्ड गणेशा' चित्रपटाच्या तिसऱ्या भागात त्याने अभिनयदेखील केला आहे. अंजू सेहगलबरोबरचे त्याचे लग्न फार काळ टिकले नाही आणि दोघांनी एकमेकांपासून फारकत घेणे पसंत केले. बाबाचा हा व्हिडिओ युट्यूबवर चांगलाच लोकप्रिय झाला आहे. विशेष अर्थ नसलेले हे गाणे बाबाने मस्तीच्या मूडमध्ये बनवलेले दिसते. महागड्या भेटवस्तू, सुट्टीसाठी आलिशान प्रेक्षणीयस्थळाला भेट देणे नेहमीच तुम्हाला आत्मिक शांतात देऊ शकत नाही. आपल्या पाळीव प्राण्यासोबत खेळणे, आपल्या घराची स्वच्छता करणे, गाडीची स्वच्छता करणे, शेजाऱ्यांसोबत संवाद साधणे आणि एखाद्या बेडकाला न्याहाळणेदेखील कधी-कधी तुमचा मूड ठीक करू शकतो. तेव्हा 'टर टर टर' करा आणि रिलॅक्स करा तुमचे 'सर सर सर', आपल्या व्हिडिओसोबत बाबाने हा संदेश युट्यूबवर लिहिला आहे. गाण्याचा व्हिडिओ:
