कास्टिंग काऊच विथ अमेय आणि निपुण, स्ट्रगलर साला या वेब सिरीज नंतर बॅक बेंचर्स या तिस-या वेब सिरीजची नव्याने भर पडत आहे. बॅक बेंचर्स या वेब सिरीजचा पहिला प्रोमो प्रदर्शित करण्यात आला आहे. बॅक बेचर्स हे नाव वाचूनचं कळतं की ही वेब सिरीज नक्कीच शाळेतील आठवणी ताज्या करेल. या वेब सिरीजमध्ये मराठीतील सेलिब्रेटी त्यांच्या शाळेतील आठवणींना उजाळा देणार आहेत. मागच्या बाकावर बसणा-या या सेलिब्रेटींमध्ये शशांक केतकर, किशोरी आंबिये, तेजश्री प्रधान, सौरभ गोखले आणि अशा अनेकजणांचा समावेश आहे. तर तुमच्या आवडत्या कलाकाराचा मागच्या बाकावरचा अनुभव कसा होता हे जाणून घेण्यासाठी तुम्हाला अजून काही दिवस थांबावे लागेल. लवकरचं ही वेब सिरीज तुम्हाला पाहता येणार आहे.