मराठीती सर्वात पहिला भव्य ऑक्शनपट लवकरच प्रेक्षकांच्या भेटीला येणार आहे. समीर आठवले दिग्दर्शित या चित्रपटाचे नाव 'बकाल' असे असून नुकताच या चित्रपटाचा ट्रेलर प्रदर्शित झाला आहे. थरारक ॲक्शन्स, हृदयाचा ठोका चुकविणारे स्टंट्स आणि डान्स-म्युझिकची जबरदस्त ट्रीट प्रेक्षकांना या चित्रपटात पाहायला मिळणार असल्याचे ट्रेलरवरुन दिसत आहे. 'बकाल'च्या निमित्ताने मराठी चित्रपटसृष्टीला चैतन्य मेस्त्री हा स्वत: ॲक्शनसीन्स आणि स्टंट्स करणारा पहिला ॲक्शन-डान्सिंग स्टार मिळाला आहे. तर 'एका पेक्षा एक' या डान्स रिॲलिटी शोची आणि एका सौंदर्यस्पर्धेची उपविजेती ठरलेली ब्युटी विथ ब्रेन असलेली जुई बेंडखळेची डान्सिंग जुगलबंदी पाहायला मिळणार आहे. विदर्भात बकाल नावाच्या एका समाजविघातक कारवाया करणाऱ्या टोळीचा एका समांतर सुरक्षा सेनेने आश्चर्यकारकरित्या विनाश केला होता. ह्या सत्यघटनेवर आधारीत बकाल चित्रपटाची कथा आहे. चित्रपटाच ट्रेलर पाहून या सिनेमाची भव्यता लक्षात येते. चैतन्यने स्वत: केलेल्या काही थरारक स्टंट्स आणि ॲक्शनची झलक ट्रेलरमध्ये दिसत आहे. त्यावरून ॲक्शन फिल्म्स पाहणाऱ्या प्रेक्षकांना आणि खास करून मराठी चित्रपट रसिकांना आजवर मराठी चित्रपटात कधीही न पाहायला मिळालेली बॉलिवूडच्या तोडीची ॲक्शन एंटरटेनमेन्ट सिनेमात पाहायला मिळेल, ह्यात शंका नाही. अशोक समर्थ, अलका कुबल, गणेश यादव, यतीन कारेकर, मिलिंद गवळी, असीत रेडीज, जयंत सावरकर, पुजा नायक आदी मातब्बर कलावंतांचा अभिनय ‘बकाल’ ह्या चित्रपटात प्रेक्षकांना पाहायला मिळणार आहे. शिव ओम व्हिज्युअल्स प्रा. लि. प्रस्तुत बकाल हा चित्रपट येत्या ८ नोव्हेंबरला प्रेक्षकांच्या भेटीस येणार आहे.
