करोना विषाणूच्या वाढत्या संक्रमणामुळे सध्या देशभरातील जनता त्रस्त झाली आहे. सामान्यांपासून ते सेलिब्रिटींपर्यंत अनेकांना करोनाची लागण झाल्याचं गेल्या काही दिवसांत पाहायला मिळालं. यामध्ये आता आणखी एका अभिनेत्रीला करोनाची लागण झाली असून तिच्यासोबत तिच्या कुटुंबातील काही अन्य सदस्यांनादेखील करोना झाला आहे. या अभिनेत्री स्वत: सोशल मीडियाच्या माध्यमातून ही माहिती दिली. बंगाली चित्रपटसृष्टीतील लोकप्रिय अभिनेत्री कोयल मल्लिक आणि तिच्या कुटुंबीयांना करोनाची लागण झाली आहे. कोयलने ट्विटरवरुन ही माहिती देत सध्या आम्ही सगळे जण सेल्फ क्वारंटाइन झाल्याचं सांगितलं आहे. तिच्यासोबतच तिचे आई-वडील, पती निशपाल सिंह ऊर्फ राणे यांनाही करोनाची लागण झाली आहे. Baba Ma Rane & I are tested COVID-19 Positive.self quarantined! — Koel Mallick (@YourKoel) July 10, 2020 "बाबा, आई, राणे आणि मी.. आम्ही करोना पॉझिटिव्ह असल्याचं समजलं आहे. सेल्फ क्वारंटाइन केलं आहे", असं ट्विट कोयलने केलं आहे. View this post on Instagram A post shared by Koel Mallick (@yourkoel) on May 5, 2020 at 1:04am PDT दरम्यान, कोयलला २ महिन्यांचं लहान बाळ असून ५ मे रोजी या बाळाचा जन्म झाला आहे. त्यामुळे सध्या कुटुंबीयांसोबतच चाहत्यांनादेखील कोयलची काळजी वाटत आहे.