गोड आवाजाच्या जोरावर स्वत:ची अल्पावधीत ओळख निर्माण करणाऱ्या गायिका म्हणजे बेला शेंडे. नुकताच बेला शेंडे यांनी लोकसत्ताचा वेबसंवाद 'सहज बोलता बोलता'द्वारे चाहत्यांशी गप्पा मारल्या. त्यावेळी त्यांनी शाळेतील काही आठवणींना उजाळा दिला. प्रत्येक व्यक्तीच्या आयुष्यात शाळेतील आठवणी काही खास असतात. बेला शेंडे यांनी देखील चाहत्यांशी गप्पा मारताना शाळेतील आठवणींना उजाळा दिला आहे. त्यांनी शाळेचा पहिला दिवस म्हणजे कोऱ्या पुस्तकांचा वास असे म्हटले आहे. त्यानंतर त्यांनी शाळेतील इतर गमतीजमती देखील सांगितल्या आहेत.