News Flash

‘ईश्वर तुम्हाला सदा सुखी ठेवो’, लता दीदींनी केले BKC कोव्हिड हॉस्पिटलच्या डीनचे कौतुक

लता दीदींनी लिहिलेले पत्र बीएमसीने ट्वीट करत केले शेअर.

राज्यात करोनाचा कहर सुरुच आहे. मुंबईत दिवसेंदिवस करोना रुग्णांची आणि मृतांच्या संख्येत वाढ होताना दिसतं आहे. करोना रुग्णांना वाचवण्यासाठी आरोग्य यंत्रणेवर प्रचंड ताण येत आहे. आपल्या जीवाची पर्वा न करता वैद्यकीय कर्मचारी दिवसरात्र करोना रुग्णांच्या सेवेत उपस्थित असल्याचे दिसते. त्यांच्या कामगिरीचे कौतुक करावे तेवढे कमी आहे. भारतरत्न आणि भारताच्या गानकोकीळा म्हणून ओळखल्या जाणाऱ्या गायिका लता मंगेशकर यांनी पत्र लिहतं त्यांचे कौतुक केले आहे.

हे पत्र बीएमसीने त्याच्या अधिकृत ट्विटर अकाऊंटवरुन शेअर केलं आहे. लता मंगेशकर यांनी BKC हॉस्पिटलचे डीन डॉ. राजेश डेरे यांना हे पत्र लिहिले आहे. “डॉ. श्री राजेश डेरे, सादर प्रणाम ! आपण महाराष्ट्रासाठी, दिवसरात्र काम करत आहात, ईश्वर तुम्हाला सदा सुखी ठेवो, अशी मी मंगल कामना करते. घरात सर्वांना नमस्कार! आपली नम्र लता मंगेशकर,” असे लता मंगेशकर यांनी पत्रात लिहिले आहे. हे पत्र शेअर करत ते म्हणाले, “कौतुक करणारे हे शब्द फक्त डीन राजेश डेरे यांच्या कानावर संगीत नाही, तर एमसीजीएमच्या संपूर्ण टीमसाठी देखील आहे. कारण हे पत्र भारतरत्न लता मंगेशकर यांनी लिहिले आहे. लता जी तुमच्या शब्दांनी आमच्यात एक नवीन उर्जा निर्माण झाली आहे,” अशा आशयाचे ट्वीट बीएमसीने केले आहे.

दरम्यान, काही दिवसांपूर्वी लता मंगेशकर यांनी करोना काळात मदत करण्यासाठी मुख्यमंत्र्यांच्या मदत निधीसाठी ७ लाख रुपये दिले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 7, 2021 1:11 pm

Web Title: bharat ratna lata mangeshkar appreciated the dean of bkc hospital dr rajesh dere work by writing letter dcp 98
Next Stories
1 IPL स्थगित झाल्यानंतर करोना रुग्णांसाठी ‘विरुष्का’चा पुढाकार; निधी गोळा करण्यासाठी पोस्ट केला व्हिडिओ
2 हिमालयातल्या मोदीबाबांना देशातल्या ऑक्सिजनचं महत्त्व ते काय? – राम गोपाल वर्मा
3 “राजकारण्यांमुळे आपल्याला ऑक्सिजन आणि बेड्ससाठी भटकावे लागते”, सुनील शेट्टी संतापला
Just Now!
X