चीनपासून उद्रेक झालेल्या करोना विषाणूने देशात थैमान घातलं आहे. सामान्यांपासून ते सेलिब्रिटींपर्यंत आतापर्यंत अनेकांना करोनाची लागण झाली आहे. अलिकडे महानायक अमिताभ बच्चन यांच्यासह कुटुंबातील काही जणांना करोनाची लागण झाल्याचं समोर आलं. त्यांच्याप्रमाणेच छोट्या पडद्यावरील काही कलाकारांनाही करोनाची लागण झाल्याचं पाहायला मिळालं त्यातच आता 'बिग बॉस 13' फेम हिमांशी खुरानाने करोना चाचणी केली आहे. हिमांशी गेल्या दोन दिवसांपासून आजारी असल्यामुळे तिने करोना टेस्ट केल्याचं तिच्या मॅनेजरने ट्विट करत सांगितलं होतं. हेच ट्विट हिमांशीने रिट्विट करुन खरंच तिची तब्येत बरी नसल्याच्या वृत्ताला दुजोरा दिला आहे. Will share the reports.. — Himanshi khurana (@realhimanshi) July 15, 2020 "गेल्या २ दिवसांपासून हिमांशीची प्रकृती बिघडली आहे. त्यामुळे तिने करोना टेस्ट करुन घेतली आहे. सध्या आम्ही रिपोर्टची वाट पाहत आहोत. ही माहिती आम्ही तुमच्यापर्यंत पोहोचवू. त्यामुळे आमच्या कुटुंबीयांना आणि मित्र-परिवाराला मेसेज करणं थांबवा. सुरक्षित रहा. धन्यवाद", असं ट्विट हिमांशीच्या मॅनेजरने केलं होतं. @realhimanshi is not feeling well from last 2 days. Tests for covid-19 are done.. Waiting for the reports.. Will share wid u all.. Stop messaging our family and friends by the tym.. Stay safe all. Thankyou — Nidhi K (@nidhe_k) July 15, 2020 हिमांशीने मॅनेजरचं हेच ट्विट पुन्हा रिट्विट केलं आहे. 'रिपोर्ट शेअर करुन', असं तिने म्हटलं आहे. तिच्या या ट्विटनंतर अनेकांनी तिला काळजी घेण्याचा सल्ला दिला आहे.
