News Flash

Birthday Special : जाणून घ्या ‘दीप-वीर’ची लव्ह स्टोरी

दीपिका आणि रणवीरच्या ऑनस्क्रीन केमिस्ट्रीपेक्षा त्यांची ऑफस्क्रिन केमिस्ट्री सर्वात जास्त गाजली होती

रणवीर सिंग, दीपिका पदुकोण

आज ५ जानेवारी रोजी बॉलिवूडची मस्तानी अभिनेत्री दीपिका पदूकोणचा वाढदिवस आहे. दीपिका तिचा वाढदिवस पती रणवीर सिंग सोबत कसा आणि कुठे साजरा करणार याकडे सर्वांचे लक्ष लागले आहे. पण या बॉलिवूडच्या बाजीवर मस्तानाची लव्ह स्टोरी कुठून सुरु झाली हे तुम्हाला माहित आहे का? दीपिकाच्या वाढदिवशी चला जाणून घेऊया ‘दीप-वीर’ची लव्ह स्टोरी…

सहा वर्षे एकमेकांना डेट केल्यानंतर अखेर गेल्या वर्षी दीपिका आणि रणवीर लग्न बंधनात अडकलेले. बॉलिवूडचे हे बाजीवर-मस्तानी १४ नोव्हेंबर २०१८ मध्ये बोहल्यावर चढले. दोघांनी संजय लीला भन्साली यांच्या ‘गोलियों की रासलीला राम-लीला’ या चित्रपटात पहिल्यांदा एकत्र काम केले. या चित्रपटादरम्यान दोघांची लव्ह स्टोरी सुरु झाल्याचे म्हटले जाते.

 

View this post on Instagram

 

A post shared by Deepika Padukone (@deepikapadukone) on

दीपिका आणि रणवीरच्या ऑनस्क्रीन केमिस्ट्रीपेक्षा त्यांची ऑफस्क्रीन केमिस्ट्री सर्वात जास्त गाजली होती. दोघांना पहिल्यांदा एका अवॉर्ड फंक्शनमध्ये एकत्र पाहिले गेले होते. मात्र त्यांना रुपेरी पडद्यावर पहिल्यांदा एकत्र आणले ते म्हणजे बॉलिवूड दिग्दर्शक संजय लीला भन्साली यांनी. २०१३ मध्ये प्रदर्शित झालेल्या भन्सालींच्या ‘गोलियों की रासलीला राम-लीला’ या चित्रपटात पहिल्यांदा दीपिका आणि रणवीर यांनी स्क्रीन शेअर केली आणि याच चित्रपटादरम्यान दोघांनामध्ये जवळीक निर्माण झाल्याच्या चर्चा होत्या. या चित्रपटात अनेक रोमॅन्टीक सीन आहेत. असे म्हटले जाते की चित्रपटातील एका सीनमध्ये दोघेही इतके मग्न होते की दिग्दर्शकाने कट म्हटल्यानंतरही ते थांबले नव्हते.

‘दीपिका आणि रणवीरमध्ये मैत्रीपेक्षा जास्त काहीतरी सुरु असल्याचे आम्हा सर्वांनाच वाटयचे. ही गोष्ट चित्रपटातील “अंग लगा दे रे” गाण्याच्या चित्रीकरणादरम्यान सिद्ध झाली. त्यावेळी ते दोघे एकमेकांच्या प्रेमात असल्याचे कन्फर्म झाले. या गाण्यातील एक किसिंग सीन खूपच पॅशनेट होता. मी तो सीन अजिबात विसरू शकत नाही. रणवीर आणि दीपिकाचा तो किसिंग सीन शूट होत होता. दिग्दर्शकांनी कट म्हटले पण हे दोघे एकमेकांना किस करत राहिले. त्यावेळी सर्वांना समजले हे दोघे प्रेमात आहेत’ असा खुलासा गोलियों की रासलीला राम-लीला चित्रपटाच्या सेटवरील एका क्रू मेंबरने केला.

दीपिका आणि रणवीरला एकत्र आणण्यास संजय लीला भन्साली यांची महत्त्वपूर्ण भूमिका असल्याचे म्हटले जाते. कारण या कपलने भन्सालींच्या एक नाही तर तीन चित्रपटात एकत्र काम केले. २०१३ मध्ये ‘गोलियों की रासलीला राम-लीला, दुसरा २०१५ मध्ये प्रदर्शित झालेला ‘बाजीराव- मस्तानी’ आणि तिसरा ‘पद्मावत’ या चित्रपटात एकत्र काम केले. या व्यतिरिक्त त्या दोघांनी ‘फाइनडिंग फॅनी’ चित्रपटात देखील स्क्रीन शेअर केली. आता लवकरच ते पुन्हा एकदा ’83’ चित्रपटात एकत्र झळकणार आहे. त्यांची ऑनस्क्रीन केमिस्ट्री पुन्हा पाहण्यासाठी चाहते फार उत्सुक आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 5, 2020 10:32 am

Web Title: birthday special deepika padukone and ranveer singh love story avb 95
Next Stories
1 नवरंजन फलाटाचा वेध
2 ‘लूक लूक’ते काही : मुरलेली ‘शिमला मिरची’
3 ‘आजी किंवा आईचा चरित्रपट करायला आवडेल’
Just Now!
X