शाहरुख खानच्या लाडक्या लेकाचा म्हणजेच अबराम खानचा आज आठवा वाढदिवस आहे. २०१३ सालात सरोगसीच्या मदतीने अबरामचा जन्म झाला. स्टार किडस् मध्ये अबरामची कायमच चर्चा असते. बॉलिवूडच्या अनेक सोहळ्यांमध्ये शाहरुखसोबत अबरामला स्पॉट केलं जातं. सोशल मीडियावरही अबरामचे फोटो अनेकदा व्हायरल होताना दिसतात. पण तुम्हाला माहित आहे का शाहरुखच्या एका सिनेमातून लहानग्या अबरामने आधीच बॉलिवूडमध्ये पहिलं पाऊल टाकलं आहे.

या सिनेमात झळकला होता अबराम
शाहरुखचा मुलगा अबरामने २०१४ सालामध्ये आलेल्या ‘हॅपी न्यू इयर’ सिनेमातून बॉलिवूडमध्ये एण्ट्री केली आहे. खरं तर जरी तुम्ही एकाग्रतेने सिनेमा पाहिला तरी तुम्हाला अबराम  सिनेमात  कुठेच झळकताना दिसणार नाही. मात्र सिनेमाच्या शेवटी क्रेडीटमध्ये अबराम दिसून आलाय. फक्त अबरामच नाही तर शाहरुखची पत्नी गौरीदेखील दिसून आली आहे. ‘साडे मेनू क्यू शराबी कहते है’ या गाण्याच्या शेवटी शाहरूख अबरामसोबत नाचताना दिसतोय. या गाण्यात अबराम खूपच गोंडस दिसतोय.

एका मुलाखतीत शाहरुखने यावर खुलासा केला होता. “खरं तर हा खूप घाईत घेतला गेलेला निर्णय होता.” असं शाहरुख म्हणाला. यापूर्वी शाहरुखचा मोठा मुलगा आर्यनही एका सिनेमात झळकला होता. जेव्हा तो अडीच वर्षांचा होता.

शाहरुखचा मोठा मुलगा आर्यन आणि मुलगी सुहानादेखील अनेकदा लहानग्या अबरामसोबत सोशल मीडियावर क्यूट फोटो शेअर करत असतात. या फोटोंना नेटकऱ्यांची मोठी पसंती मिळताना दिसते.