बॉलिवूड अभिनेता शाहिद कपूर आणि त्याची पत्नी मीरा राजपूत कपूर यांच्या आयुष्यात एका नव्या पाहुण्याचा प्रवेश झाला. सोशल मीडियावरही शाहिदच्या मुलाचं मोठ्या प्रेमाने स्वागत करण्यात आलं. ज्यानंतर आता त्या चिमुरड्याचं नाव सर्वांसमोर जाहीर करण्यात आलं आहे. खुद्द शाहिदनेच त्याच्या मुलाचं नाव सर्वांना सांगितलं आहे. 'झैनच्या येण्याने आमचं कुटुंब पूर्ण झालं आहे. तुम्ही सर्वांनी दिलेल्या शुभेच्छा आणि आशीर्वादांविषयी मी सर्वांचा आभारी आहे. सध्याच्या घडीला माझा आनंद गगनात मावेनासा झाला आहे', असं ट्विट त्याने केलं. Zain Kapoor is here and we feel complete. Thank you for all the wishes and blessings. We are overjoyed and so grateful. Love to all. — Shahid Kapoor (@shahidkapoor) September 7, 2018 शाहिदच्या मुलीचं नाव जितकं वेगळं आणि लक्षवेधी होतं तितकच त्याच्या मुलाचं नावही वेगळं आणि चर्चेत येणारं ठरलं आहे. झैन या शब्दाचा अर्थ होतो, सौंदर्य. नावाचा अर्थच इतका सुरेख आहे, तर आता शाहिदचा मुलगा किती गोंडस असणार हेच पाहण्यासाठी सर्वांची उत्सुकता शिगेला पोहोचली आहे.
