अभिनेत्री प्रियांका चोप्रा हिने नुकताच ३६ वा वाढदिवस साजरा केला. प्रियकर निक जोनाससोबत प्रियांकाने हा खास दिवस साजरा केल्याचं कळत आहे. एकिकडे संपूर्ण कलाविश्वातून तिला शुभेच्छा दिल्या जात अतसातान देशोदेशीच्या चाहत्यांनीसुद्धा या 'देसी गर्ल'ला शुभेच्छा दिल्याचं पाहायला मिळालं. न्यूयॉर्कमधील प्रियांकाच्या घरी चाहत्यांनी तिच्या नावे पुष्पगुच्छ आणि असंख्य पत्र पाठवल्याचं पाहायला मिळालं. सुत्रांचा हवाला देत 'हिंदुस्तान टाइम्स'ने प्रसिद्ध केलेल्या वृत्तानुसार जवळपास ११ हजार पुष्पगुच्छांशिवाय प्रियांकाच्या नावे १८ हजार पत्र चाहत्यांनी पाठवली असून, जवळपास २५ देशांतील असंख्य चाहत्यांनी तिच्यावर प्रेमाचा वर्षाव केला आहे. वाढदिवसाच्या निमित्ताने सहसा भेटवस्तू मिळतातच. पण, प्रियांकाच्या बाबतीत या भेटवस्तू, पुष्पगुच्छ आणि पत्रांचा आकडा सध्या अनेकांनाच थक्क करुन जात आहे हे खरं. युनिसेफच्या सदिच्छा दूतपदी असणाऱ्या प्रियांकाने विविध उपक्रमांच्या प्रचारासाठी आजवर बऱ्याच देशांना भेट दिली आहे. त्यावेळी प्रत्येकवेळी प्रियांकाला तिचे चाहतेही भेटले, अशाच चाहत्यांनी तिच्यावर या शुभेच्छांचा आणि भेटवस्तूंचा वर्षाव केला. वाचा : ‘लस्ट स्टोरीज’ : तिच्या ‘लालसे’ची चाकोरीबाहेरची चिकित्सा मुख्य म्हणजे ज्या समाजोपयोगी कामांसाठी प्रियांकाने पुढाकार घेतला आहे त्या कामांमध्ये आर्थिक पद्धतीने आपलं योगदान देत 'देसी गर्ल'ला अनोख्या पद्धतीनेही काही चाहत्यांनी शुभेच्छा दिल्या आहेत. दरम्यान, वाढदिवसाच्या निमित्ताने प्रियांकावर झालेली ही प्रेमाची उधळण पाहता तिच्यासाठीसुद्धा ही एक सुखद गोष्ट असणार असं म्हणणं वावगं ठरणार नाही.
