होळी म्हणजे रंगांचा सण. हा सण मोठ्या आनंदाने आणि उत्साहाने साजरा करण्यासाठी प्रत्येक जण एकमेकांना शुभेच्छा देत असतो. मग ते प्रत्यक्षात एकमेकांना रंग लावून असो किंवा सोशल मीडियाव्दारे एकमेकांना दिलेल्या शुभेच्छा असो. सगळेच जण आपापल्या पद्धतीने होळीचा आनंद लुटत असतो.

त्यात बॉलिवूड कलाकारही मागे नाहीत. अभिनेत्री माधुरी दीक्षित नेने, अक्षय कुमार, हेमा मालिनी आणि हृतिक रोशनने चाहत्यांना ट्विटरव्दारे धुळवडीच्या शुभेच्छा दिल्या आहेत.

अभिनेता अक्षय कुमारने ट्विटरव्दारे ‘ही होळी तुमच्या आयुष्यात आणखी नवे रंग घेऊन येवो. होळीच्या आणि नवरोजच्या सर्वांना शुभेच्छा’ असे लिहून ट्विट केले.

‘ही होळी तुम्हाला आनंदाची, सुखाची जावो. सर्वांना होळीच्या शुभेच्छा’ असे म्हणत हृतिक रोशनने चाहत्यांना ट्विटरव्दारे होळीच्या शुभेच्छा दिल्या.

तसेच माधूरी दिक्षित, हेमा मालिनी, इम्रान हाश्मी, मधूर भंडारकर, अमित शाह, इशा देओल इत्यादींनी चाहत्यांना होळीच्या शुभेच्छा दिल्या.